Құрылғанына енді ғана бір жыл болған Мақтаарал ауданы құрылыстың ордасына айналып үлгерді. Қазір аудан орталығы Мырзакент кентінде жүргізіліп жатқан абаттандыру, жарықтандыру жұмыстары мен жол, аяқжол құрылыстары сөзіміздің айқын дәлелі болмақ.
Келес ауданының әкімі Ақментай Есбаев және аудан әкімінің орынбасары Серік Қарақұлов Ошақты ауылдық округі Ошақты және Жетітөбе елді мекендерін бөліп тұратын, Саңырау су түсіргісінің үстіндегі «КХ-72-Ошақты-Жолбасшы-Ораз ата» автомобиль жолының 0+350 шақырымдағы көпір құрылысының барысымен танысты.
Арыс қаласындағы Қостанай облысы мен Сарыағаш ауданына қарасты 16 - секторда қарбалас тіршілік. Жұмыс қыз-қыз қайнауда. Қауырт жұмыстар қолға алынуда. Айта кетейік, Арыс қаласында бүгінгі таңда 8408 жеке тұрғын үй бар. Соның 1105 - көпқабатты үй. Қырық мыңнан астам тұрғыны бар қаладағы қалпына келтіру жұыстары 7597 жеке тұрғын үй мен 78 көпқабатты үйлерде жүргізілуде.
«Еңбек» нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған бағдарламасы Отырар ауданында сәтті жүзеге асуда. Кәсіпкерлікті дамыту бойынша шағын несие беріп, әлеуметтік жұмыс орындарына сұранысқа ие мамандар тартылып жатыр.
Енді Түркістандағы сауда орындарының сыртында заңсыз жарнамалар ілінбеуі керек. Себебі, қасиетті шаһар облыс орталығына лайық көркі көз тартар қалаға айналуы тиіс. Осыған орай, қала әкімінің өкімімен жауапты сала мамандарының қатысуымен сауда орындарында рейд жүргізілді.
Түркістан қаласындағы Сұлтанбек Қожанов көшесінің бойында, орталық Есім хан алаңының жанында бағдаршам және шақыру панелімен жабдықталған жаяу жүргіншілер жолы орнатылды. Енді жолдың келесі бетіне өту үшін бар болғаны бағдаршам жанындағы тақтаға алақанды тигізіп, жасыл белгіні күтіңіз. Жолдан еш қиындықсыз өте аласыз.
Шардарада қала және ауылдық округтердегі тазалық мәселесi күн тәртiбiнен түспек емес. Қаладағы мыңға жуық азамат қатысқан жаппай сенбілікте 20 тонна қоқыс қала сыртына шығарылды.
Бүгін Қазақстан Республикасы Кәсіподақтар федерациясының төрағасы Бақытжан Жарылқасынұлы Әбдірайым бастаған түрлі кәсіподақ ұйымының төрағалары Арыс қаласындағы бұқараның тұрмыс жағдайымен танысу мақсатында арнайы ат басын бұрды. Сапар барысында Федерация төрағасы Б.Әбдірайым шаһарға тарту ретінде Арыс қаласының кіре беріс қақпасына қаланың төлқұжатын сипаттайтын құны 30,0 млн. теңгені құрайтын арнайы арка құрылысын жүргізу мақсатында аталған нысанның капсула қою рәсіміне қатысып, іргетасын қалады.