Арыстағы апаттан зардап шеккен тұрғындарға, әсіресе балаларға алғашқы  күннен бастап 180 ерікті практик-психолог пен педагог-психолог көмек көрсетуде. Себебі мұндай ауыр соққы алған сәбидің күні ертең қоршаған ортаға деген қарым-қатынасы өзгеруі мүмкін.

ҚР Премьер-Министрі Асқар Мамин ҚР Президенті Қасым-Жомарт Тоқаевтың тапсырмасы бойынша Үкіметтік комиссия басшылығында Арыс қаласына барып, қаладағы төтенше жағдайдан зардап шеккен тұрғын үй ықшамаудандары мен әлеуметтік нысандарды аралады. ҚР Үкіметінің басшысы көппәтерлі және жекеменшік үйлер орналасқан «Көктем-1» және «Көктем-2» тұрғын үй алаптарына болды, залалданған жергілікті мектеп, қалалық аурухана мен Халыққа қызмет көрсету ғимараттарын көрді. 

Арыс қаласындағы жарылыстан зардап шеккен халықтың жай-күйімен танысуға ҚР Премьер-министрі А.Мамин арнайы келді. Премьер-министр облыс басшысы Ө.Шөкеевпен бірге снарядтан зақым келген тұрғын үйлер мен 4 қабатты қалалық аурухананы, халыққа қызмет көрсету орталығын және Көктем шағынауданындағы И.Журба атындағы орта мектепті аралап, ғимараттардың жай-күйімен танысты.

Апаттан зардап шеккен арыстықтарға Қазақстанның түкпір-түкпірінен көмек келуде. «Арыс, біз біргеміз!» акциясы бүкіл республикалық акцияға айналды деуге болады.

Бүгін Арыс қаласында орын алған оқыс оқиғадан зардап шеккен 100-ден аса бала Жамбыл облысы Жамбыл ауданы Жасөркен ауылында орналасқан «Болашақ» және Жуалы ауданындағы «Тау Самалы» сауықтыру лагерьлеріне аттанды.  

Жаймашуақ кейіпке енген Арысқа тұрғындар оралды. Түркістан облысының әкімдігімен апаттан зардап шеккен тұрғындарға азық-түлік көмегін беру туралы Штаб құрылған болатын. Ауқымды қайырымдылық акциясы аясында облыс әкімдігі, қоғамдық бірлестіктер, қарапайым халық пен еріктілер тарапынан арыстықтарға 150 тоннадан астам қажетті азық-түлік, макарон, балалар тағамы, киім-кешек жинақталды.

Арыс қаласының тұрғындары бүгін, яғни 28 маусым күні таңғы 8.00-де қалаға кіргізіле бастады. 4 күн бойы Шымкент қаласы мен облыстың өзге де аудандарындағы эвакуациялық орталықтарда күн кешкен тұрғындар ұйымдасқан түрде автобус колонналарымен туған жерлеріне оралды.

Келес ауданының әкімі Ақментай Есбаев тиісті сала басшыларымен бірге аудандағы ағын су мәселесіне шешу жолында істелініп жатқан жұмыстардың барысымен танысу мақсатында «Келес ауданының су шаруашылығы» МКК тиесілі каналдар мен қашыртқыларды аралап көрді. 

Арыс қаласының тұрғындарын ертең, яғни, 28 маусымда, таңғы 8.00-де қалаға кіргізу басталады. Бұл туралы бүгін Түркістан облысында құрылған штабтағы баспасөз мәслихатында облыс әкімі Өмірзақ Шөкеев мәлімдеді. Өңір басшысы Арыс қаласы мен әскери қоймада оқ-дәрілерді тазалау және қаланы дезинфекциялау шаралары аяқталғанын, қауіп бұлты толық сейілгенін мәлімдеді.

 26 маусым күні жануарларды қорғаумен айналысатын белсенділер,  Түркістан облысы Арыс қаласына арнайы барды.  Нан-суын көтерген олар Шымкенттен келген. Негізгі мақсаттары – үй ауласында қамалып қалған төрт аяқтыларды аман алып қалу. Еріктілер өздерімен бірге алып келген ыдыстарға суларды толтыра құйып,  көше қиылыстары мен әр бір үйдің қақпасына қойып кетіп жатты.