Елбасымыз Н.Ә.Назарбаевтың "Болашаққа бағдар: Рухани жаңғыру" мемлекеттік бағдарламасы аясында Мақтаарал ауданында "Социалистік Еңбек Ері" атанған Нұрмұхамед Есентаевтың 110 жылдық мерейтойы кең көлемде аталып өтті.
Бүгін Жетісай аудандық ардагерлер кеңесінің ұйымдастыруымен “Ұрпақ тәрбиесі – ұлағатты іс” тақырыбында аудан ардагерлерінің семинар-кеңесі болды. Жылысу ауылдық округінде орналасқан І.Жансүгіров атындағы жалпы орта мектебінде өткен жиынға аудан әкімінің орынбасары Мақсат Жолдасбеков пен аудандық білім бөлімінің басшысы Тұрсын Мырзалиев, аудан ардагерлері қатысты.
Аудан әкімдігінің үлкен мәжіліс залында міндетті әлеуметтік медициналық сақтандыру бойынша жиын өтті. Жиынды аудан әкімінің орынбасары Бауыржан Шомпиев ашып, жүргізіп отырды.
Бүгін Отырар ауданы әкімдігінің мәжіліс залында аудандық мәслихаттың кезектен тыс қырық жетінші сессиясы өтті. Сессия жұмысына аудан әкімі Әбдіғали Жүнісов арнайы қатысты.
Жетісай ауданына қарасты Жылысу ауылдық округінде орналасқан «Төлеген» санаториясының қосымша ғимараты іске қосылды. Енді санаторияның айына 270 адамды қабылдауға мүмкіндігі бар. Ашылу рәсіміне Жетісай ауданы әкімінің орынбасары Мақсат Жолдасбеков, Қазақстан емдік-сауықтыру санаториялары қауымдастығының президенті Саягүл Қангелдина мен аудан тұрғындары қатысып, салтанатты түрде тұсауын кесті. 1996 жылы аудандық аурухананың бөлімшесі ретінде жұмыс істеген мекеме 1999 жылы жекешелендіру кезінде «Төлеген санаториясы» ЖШС болып қайта құрылған. Бұған дейін айына 70 адамды қабылдайтын емдік-сауықтыру мекемесі қосымша 20 орындық ғимаратты іске қосып отыр. «Қосымша ғимарат заманауи талаптарға сай жасалған. Бағасы да тиімді екен. Тәулігіне 5 мың теңге төлеп 5 мезгіл тамақ пен сан түрлі ем қабылдау мүмкіндігін жасап отырған санатория басшыларына алғыс айтамыз. Сіздер бұл орынға аурудан емделу үшін емес, аурудың алдын алуға келіңіздер деген тілек айтамыз»,- деді Мақсат Жолдасбеков.
Минералды суының құрамы 14 элементтен тұратын емдік-сауықтыру орталығында келушілер 12 түрлі дерттеріне ем қабылдай алады. Жер астында 46°С ыстықта қайнап шыққан су 37-38°С-та қолданылады. Барлық еуростандарттарға сәйкестендірілген орталық емдік шараларына қажетті барлық құрал-жабдықтарды Шымкент қаласынан тапсырыспен алдырады. Көпбалалы аналар мен әлеуметтік қолдауды қажет ететін жандарға арнайы жеңілдіктер қарастырған санатория 90 орынға есептелген, айына 270 адамды қабылдауға мүмкіндігі бар.
«AQ-QARA.KZ»-ақпарат.
Бүгін Келес ауданының Жолбасшы елді мекенінде орналасқан «Ерболат» шаруа қожалығында техника ғылымдарының кандидаты, ғалым, Шымкент қаласындағы М.Әуезов атындағы ОҚМУ-да ауыл шаруашылығын механизациялау және автоматтандыру ғылыми орталығының директоры Бердияр Қалымбетов аудан шаруаларына Келес ауданы жағдайындағы ылғалды-ресурс сақтаушы технология үшін машиналар кешенін әзірлеу мен жасау есебінен жаңа, ғылыми технологиялық және техникалық шешімдер негізінде жылына 3 рет өнім алудың агротехникалық іс-шараларын жүзеге асыру жолымен көкөніс өндіруді қарқынды дамыту бағдарламасымен таныстырды.
Мемлекет басшысы Қасым-Жомарт Кемелұлы Тоқаев ағымдағы жылғы 2 қыркүйектегі «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына арнаған Жолдауында «Халық үніне құлақ асатын мемлекет» тұжырымдамасына ерекше назар аударды. Ондағы басты мақсат халықпен тікелей қатынас орнату болып табылады.
Бүгін Түлкібас ауданына Түркістан облысының жұмыспен қамтуды үйлестіру және әлеуметтік бағдарламалар басқармасының басшысы Асия Темірбаева бастаған ақпараттық-насихаттық топ келіп, 2020 жылдан бастап іске асырылатын атаулы әлеуметтік көмек көрсетудің жаңа тәсілдері, мүмкіндігі шектеулі азаматтарға арналған «Әлеуметтік қызметтер порталы» бойынша түсіндіру жұмыстарын жүргізді.
Шардара ауданының құрылғанына 55 жыл толуына байланысты ауыр атлетикадан жастар арасында Түркістан облысының ашық кубогі басталды. Оған еліміздің түпкір-түпкірінен зілтеміршілер қатысып жатыр. Бұл сайыс өңірдегі спорттың осы түрін әлемдік аренаға алып шығуға негіз болмақ.
Осындай атаумен көне шаһарда ерекше думанды шоу өтті. Онда өнер жұлдыздары халық шығармалары мен бүгінгі жастардың сүйіп тыңдайтын әндерін орындады. «Шараның басты мақсаты – қасиетті мекенді жасыл желекке бөлеп, қауіпсіз қалаға айналдыру», - дейді ұйымдастырушылар.