Түркістан облысы Түлкібас ауданында ауылшаруашылық өнімінің көлемін ұлғайту үшін суармалы жерлердің аумағы ұлғаюда. Осы орайда су ресурстарын пайдалануды реттеу және қорғау жөніндегі Арал-Сырдария бассейндік инспекциясы Республикалық мемлекеттік мекемесінен 2018-2023 жылдар аралығына (жылдық лимит) 136,7 млн. м3 ағын суды пайдалануға рұқсат алынды. Бұл туралы Түркістан облысының Өңірлік коммуникациялар қызметінде өткен брифингте Түлкібас ауданының әкімі Нұрбол Тұрашбеков  мәлімдеді.

Сайрам ауданында 2018 жылдың 10 айында 13,9 млрд.теңге инвестиция тартылған. Облыс көлемінде инвестиция бойынша ауданның үлесі 6,5 пайызды құрайды. Аудандағы кәсіпкерлік саласы бойынша белсенді субъектілердің саны 14665 бірлікке жетіп, өсім 12,8 пайызды құраған.Бұл туралы Түркістан облысының Өңірлік коммуникациялар қызметінде өткен брифингте Сайрам ауданының әкімі Бақтияр Мамаев мәлімдеді.

Түркістан облысында Цифрландыру орталығы отандық IT-жүйелерін әзірлеушілермен бірлесіп Түркістан қаласында бірнеше пилоттық жобаларды жүзеге асыруда. Мәселен, ағымдағы жылдың желтоқсан айында Түркістан қаласының қоғамдық көліктерінде электронды билеттеу жүйесі жұмысын бастайды. Сонымен қатар, облыс орталығындағы  Отырар шағын ауданында көп пәтерлі 10 үйді қамтитын «Ақылды квартал» жобасын жүзеге асыру бойынша белсенді жұмыстар жүргізіліп жатыр. Бұл туралы Түркістан облысының Өңірлік коммуникациялар қызметінде өткен брифингте Түркістан облысының Цифрландыру орталығының басшысы Асылбек Жанғұлов айтып берді.

Сайрам ауданында 2018 жылдың 10 айында жалпы өңірлік өнім көлемі 127,3 млрд.теңгеге жетіп, өткен жылға қарағанда өсім 2,9 пайызды құрады. Нәтижесінде жан басынашаққандағы жалпы өңірлік өнім көлемі 629,5 мың теңге болып, өсім 4,6 пайызға жеткен. Бұл туралы Түркістан облысының Өңірлік коммуникациялар қызметінде өткен брифингте Сайрам ауданының әкімі Бақтияр Мамаев мәлімдеді.

«Түркістан» әлеуметтік-кәсіпкерлік корпорациясы» акционерлік қоғамының кеңсесі жанынан бүгінде «TURKISTAN INVEST», «Цифрландыру орталығы» және «Тұрақтандыру қоры» филиалдары құрылған. Қазіргі таңда «Түркістан» ӘКК» АҚ - құрылыс, әлеуметтік маңызды жобалар, туризм, инвестиция тарту, цифрландыру, тұрақтандыру қоры сынды бағыттар бойынша жұмыс атқарады. Бұл туралы Түркістан облысының Өңірлік коммуникациялар қызметінде өткен брифингте «Түркістан» ӘКК» АҚ төрағасы Айтмұхаммед Алдажаров мәлімдеді

Жуырда Түркістан облысының әкімі Жансейіт Түймебаевтың төрағалығымен Түркістан қаласының бас жоспары талқыланды. Жиында сөз алған аймақ басшысының бірінші орынбасары Қайрат Нүкенов жобалардың орындалу барысын баяндап берді.

Өңірде «Нұрлы жер» бағдарламасы аясында тұрғын үй құрылысы қарқынды жүруде. Өткен жылы бағдарламаның бес бағыты бойынша 721 мың шаршы метр тұрғын үй пайдалануға берілді. Баспанамен қамту Түлкібас ауданында да үлкен серпінмен жүзеге асып жатыр. 

Таяуда ғана Түркістан облысының әкімі Жансейіт Түймебаев Жетісай ауданына жасаған сапары барысында Атамекен және Ш.Дәлдабеков ауыл округтеріндегі 5 елді мекен табиғи газға қосылған болатын. Бүгінде сол ауылдардағы абоненттерді «көгілдір отынға» жаппай қосу жұмыстары жалғасуда. 

Мемлекет басшысы Н.Ә.Назарбаевтың 2018 жылдың 5 қазандағы «Қазақстандықтардың әл-ауқатының өсуі: табыс пен тұрмыс сапасын арттыру» атты Қазақстан халына арнаған Жолауының үшінші тармағында: «Құқық қорғау органдарының жұмысына терең және сапалы өзгерістер қажет. Қауіпсіздік тұрмыс сапасының ажырамас бөлігі болып саналады» деп атап өткен болатын. Осы орайда, қала әкімдігінің үлкен мәжіліс залында 2018 жылдың 10 айында Арыс ауданының полиция бөлімінің қызметкерлері мен атқарған жедел жұмыстарының қорытындысы бойынша халыққа есеп беру жиыны өтті. 

Облыс әкімінің арнайы тапсырмасына сәйкес, халыққа мәдени, рухани, діни тұрғыда түсіндіру жұмыстарын жүргізу мақсатында облыс аумағында ұйымдастырылып жатқан «Дәстүрлі құндылықтар керуені» тақырыбындағы көшпелі жиын Арыс қаласына келді.