Түркістан қаласында волейболдан тұңғыш рет КСРО мен Қазақ КСР-нің еңбек сіңірген жаттықтырушысы, волейболдан Қазақ КСР-нің тұңғыш КСРО спорт шебері, атақты волейболшы Октябрь Жарылқаповтың жүлдесіне арналған республикалық жарыстың жалауы түрілді. Жасөспірімдер арасында басталған сайысқа елімізден 8 команда қатысып, бақ сынауда.
Тұңғыш Президентіміз Нұрсұлтан Әбішұлы Назарбаев «Спорт – әр елдің даңқын шығарып, байрағын биіктететін айтулы бәсеке. Қазақстан – әлемде саяси тұрақты, экономикасы өркендеген іргелі ел ғана емес, халықаралық спорттағы табыстарымен және талантты спортшыларымен танылған мемлекет» деп атап өткен болатын.
Отырарда баскетболдан 2004-2005 жылғы жасөспірімдер ұлдар мен қыздар арасында ұлағатты ұстаз, белгілі бапкер Талғат Рахмет атындағы облыстық ашық турнир басталды. Биыл он бірінші рет өтіп отырған дәстүрлі турнирге облысымыздан жалпы саны жиырмаға жуық команда қатысуда.
Қазақстан Республикасының Тұңғыш Президенті Н.Ә.Назарбаев «Болашаққа бағдар: рухани жаңғыру» атты бағдарламалық мақаласында патриотизм кіндік қаның тамған жеріңе, өскен ауылыңа, қала мен өңіріңе, туған жеріңе деген сүйіспеншіліктен басталатынын айтып, «Туған жер» бағдарламасын қолға алуды ұсынған болатын.
Ордабасы ауданының орталығы Темірлан ауылындағы аудандық мәдениет үйінің бокс залында 2019 жылдың қараша айының 14-18 күндері аралығында Ордабасы ауданының құрылғанына 55 жыл толуына орай бокстан 2004-2009 жылдары туған жасөспірімдер арасында Ордабасы ауданының ашық біріншілігі болып өтті.
2019 жылы қараша айының 16-17 күндері аралығында Өзбекстан Республикасы Жыззақ облысы, Мырзашөл ауданының Гагарин қаласында грек-рим күресінен аудан әкімінің жүлдесіне арналған Республикалық ашық турнир болып өтті. Көршілес Мырзашөл өңіріндегі дүбірлі додаға Жетісай ауданының №1 балалар мен жасөспірімдер спорт мектебінің спортшылары қатысып келді.
Сонымен, Түркістан облысында ересектер арасында спорттың 9 түрін қамтыған спартакиада жоғары деңгейде ұйымдастырылып, өз мәресіне жетті. Жарыстың соңғы күнінде қатысушылар кіші футболдан бақ сынасты.
Нұр-Сұлтан қаласында алғаш рет ата-ана қамқорлығынсыз қалған балалар арасында «Makeitpossible» республикалық спартакиадасы өтеді. Байрақты бәсекеге Түркістан қаласынан 22 жеткіншек қатысады.