Сәрсенбі күні, яғни 12 қыркүйекте Сарыағаш ауданында бос жұмыс орындарының жәрмеңкесі өтті. Жәрмеңкеде 400 бос жұмыс орны ұсынылғанын айта кеткен жөн. Дәлірек айтсақ, «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасы» аясында қысқа мерзімді кәсіптік оқуды аяқтаған тұрғындар жұмыспен қамтылды.
Түркістан облысының әкімі Жансейіт Түймебаев «Хайвилл Қазақстан» компаниясының бас директоры Джон Дэ Кангты қабылдады. Кездесуде екіжақты әріптестікті күшейтіп, Түркістан қаласын дамыту мәселелері сөз болды. Өңір басшысы құрылыс саласында өзіндік орны бар кореялық компаниямен бірлесіп жұмыс істеуге дайын екенін жеткізді.
Жуырда Премьер-Министр Б.Сағынтаевтың төрағалығымен Үкімет отырысы өткен-ді. Онда формальді емес жұмыспен қамтылған халықты формализациялау және оларды еліміздің экономикасына тарту жөніндегі жол картасын іске асыру барысы қаралды. Аталған мәселе аясында еңбек және халықты әлеуметтік қорғау министрі М.Әбілқасымова баяндама жасады. Бұл туралы «AQ-QARA.KZ» хабарлайды «ontustik.gov.kz-ке» сілтеме жасап.
Бүгінде Жетісай ауданында 1 қала, 1 кент және 11 ауылдық округ бар. Олардағы 104 елді мекенде 172903 халық тұрады. Аталған елді мекендердегі қолданыстағы су құбырларының ұзындығы 951 шақырымды құрайды.
Биыл Түркістан облысы Отырар ауданының орталығы Шәуілдір мен Темір елдімекендеріне көгілдір отын жеткізіледі. Жалпы Отырар ауданында 22 елді мекеннің жобалық сметалық құжаты дайындалып, бюджет қарауына ұсынылған. Қазір соның жетеуіне газ тарту жұмыстары жүргізіліп жатыр.
Республика деңгейінде қызмет атқарып жатқан 160 аудандық халықты жұмыспен қамту орталықтарының 2018 жылдың жарты жылдығы қорытындысы бойынша атқарған жұмыстарына бағалау жұмыстары жүргізіліп, арнайы рейтинг құрылған. Аталған көрсеткіштер бойынша республика көлемінде Сарыағаш ауданы әкімдігінің халықты жұмыспен қамту орталығы 6-шы орынды иеленді.
Отырар ауданының әкімі Ерлан Айтахановтың төрағалығымен аппарат жиыны болып өтті. Жиынның күн тәртібінде аудан бойынша 2018 -2019 жылғы жылу беру маусымына дайындық барысы мен қатты отынмен қамтамасыз ету мәселесі кеңінен қаралды.
Кәсіпкерлік мектебінің мәжіліс залында Арыс қалалық Қоғамдық кеңестің кезекті жиыны өтті. Қоғамдық ой-пікір, ұсыныс және көпшілік сұрақтарына жауап беруге арналған жиынды қалалық Қоғамдық кеңес төрағасы Ж.Достанов ашып, жүргізіп отырды.