Атамекен Ұлттық кәсіпкерлер палатасының бастамасымен «Бастау бизнес» жобасы өз жұмысын жалғастыруда. Мақсат өңірдегі қаржылық сауаттылықты арттыру, жаңа бизнес көздерін ашу. Бүгінде Шардара ауданында жобаның 2 лектегі тыңдаушылары оқуды аяқтап, бизнес жоспарларымен бөлісті.
Арыс қаласындағы төтенше жағдайға байланысты кәсіпкерлерге жеңілдетілген несие беру жұмыстары басталып кетті. Қазір «Қамқор» бағдарламасымен халықты ақпараттандыру, құжат жинау және рәсімдеу кезеңі жүргізілуде. Азаматтарды әурелемеу үшін Арыстағы «Атамекен» кәсіпкерлер палатасының ғимаратында барлық құжатты реттеуге мүмкіндік қарастырылған. Оған мамандар да кеңес беріп, көмегін аямайды. Қазірдің өзінде 14 кәсіпкер 1 пайыздық несие алуға өтініш беріп үлгеріпті.
Бүгінгі таңда Түлкібас ауданында жұмыссыз, тұрмысы төмен азаматтарға және табысы төмен отбасыларға, оның ішінде көпбалалы отбасыларға мемлекет тарапынан тұрмыс сапасын арттыруға және өзін-өзі жұмыспен қамтуға бағытталған бағдарламалар толыққанды іске асуда.
Төлеби ауданының әкімі Б.Омарбековтің төрағалығымен ағымдағы жылға ауданның бюджетіне салық салу базасын ұлғайту, салықтар мен алымдардың толық түсуін қамтамасыз ету іс-шараларының барысы туралы жиын өтті. Сонымен қатар, жеке тұлғалардың транспорт, мүлік және жер салықтарының берешектерін азайту бойынша атқарылып жатқан жұмыстар талқыланды.
Көпбалалы және табысы аз отбасыларға үкімет тарапынан қаржылай атаулы әлеуметтік көмектің берілуі Түркістан облысының Сарыағаш ауданында 9 мыңнан астам азаматтың өз бетінше кәсіп етіп, табыс табуына мүмкіндік жасады. Сондай-ақ, биыл тағы 7 мыңнан астам отбасын жұмыспен қамту бойынша әлеуметтік жоспар түзіліп отыр.
Ауданда бүгінгі таңда мемлекет тарапынан және демеушілір есебінен суармалы жерлерді ұлғайту мақсатындағы жұмыстар қарқынды іске асуда. Осы орайда Түлкібас ауданына қарасты Арыс ауылдық округіндегі «Жаңа» каналы іске қосылып, ауыл тұрғындарын қуанышқа бөледі.
Түркістан облысының әкімі Өмірзақ Шөкеевтің тапсырмасына сәйкес, облыс аумағындағы жол бойларын көгалдандыру мақсатында Келес ауданы Бірлесу ауылдық округінде келестік ғалым Бердияр Қалымбетов 1 гектар жерге тұт ағашының көшетін жетілдіретін бақша жасап, тұқымын егуді қолға алды. Халықаралық ғылыми ортақтастық негізінде Өзбекстан Республикасы Ферғана облысынан Жібек шарушылығына тұт ағашын жеткізіп беретін орталықтың жетекшілері арнайы келіп, аталған шарушылықтың қыр-сырымен бөлісіп жатыр. Кездесуге Келес ауданы әкімінің орынбасары Абай Жаңбырбаев қатысып, көрші мемлекеттен келген мамандардың тәжірибелерімен танысып, аудан әкімдігі атынан алғысын білдірді.
Арыс қаласында облыс әкімінің тапсырмасымен кәсіпкерлерге арналған «Қамқор» бағдарламасы іске қосылды. 5 млн. теңгеге дейін берілетін 1%-дық жеңілдетілген кепілсіз несиенің уақыты - 4 жылды құрайды.