Елорда күні қарсаңында Мақтаарал ауданының Атакент кентінде отбасылық әлеуметтік сауда кешені ашылды. Ендігі уақытта аудандағы еңбектеген баладан еңкейген кәріге дейін отандық және Түркия елінің сапасы жоғары киім-кешектері мен басқа да өнімдерін 10-15% арзан бағамен сатып ала алады.
Бүгінде Кентау қаласының көпқабатты тұрғын үйлерінің аулаларындағы ішкі жолдарына құрылыс жұмыстары басталып кетті. Мамандардың айтуынша, кезең-кезеңімен жүріп жатқан құрылыс әр жыл сайын жүзеге асырылып, барлық ауланың ішкі жолдарын реттеу жоспарланған.
Бүгін Әзірбайжан Республикасының Президенті жанынан құрылған азаматтарға және әлеуметтік инновацияларға қызмет көрсету жөніндегі мемлекеттік агенттігі, «ABAD» заңды тұлғасы мен Қазақстан Республикасы, Түркістан облысының әкімдігі арасында қолөнер саласындағы шағын кәсіпкерлікті дамыту саласындағы өзара ынтымақтастық келісім жасалды. Келісімге «ABAD» ұйымының директоры Руфат Эльчиев пен Түркістан облысы әкімінің орынбасары Мейіржан Мырзалиев қол қойды.
Бүгінгі таңда «Кентау» ЖШС-не тиесілі барлық бау көлемі 210 гектар болса, оның ішінде қарқынды бау көлемі 160,0 гектарды құрайды. Аталмыш серіктестік «фуджи», «голден делишес», «айдалет», «редделишес», «семерянка» сынды алма сұрыптарынан өнім алады. Экологиялық тұрғыда таза Түлкібас алмасын соңғы замануи талаптарға сай соғылған, сыйымдылығы 2000 тоннаға дейін қауқарлы арнайы қоймада сақтап, қыс мезгілінде еліміздің әр өңірінің сауда орталықтарына өткізеді.
ҚР Қаржы министрілігі Мемлекеттік кірістер комитеті Арыс қаласының салық төлеушілері үшін салықтық каникулдар жариялайды. Аталған шара ҚР Премьер-министрі А.Маминнің Арыс қаласының тіршілігін қалыпқа келтіру және оның әлеуметтік-экономикалық дамуын қамтамасыз ету үшін төтенше жағдайлар салдарын жою жөніндегі комиссия отырысында атап өткен болатын. Сондықтан Арыс қаласының салық төлеушілеріне салықты өндіру шаралары мен тәсілдері қолданылмайды. Бұл туралы Түркістан облысы бойынша Мемлекеттік кірістер департамент басшысының орынбасары Еркін Елшібеков мәлімдеді.
Наурыз айынан бері ауданда «Бастау Бизнес» бағыты бойынша 120 азамат оқытылып, куәлік алыпты. Бәріөз кәсіптерін бастауға дайын. Мақтаарал ауданында «Бастау Бизнес» жобасы аясында 30 жоба қаржыландырылған.
Бүгін Жетісай ауданында егістік алқаптарындағы агротехникалық жұмыстарды сапалы орындау және ағын сумен қамтамасыз ету жағдайын жақсарту жөнінде семинар-кеңес өтті. Жылысу ауыл округі, Әл-Фараби елді мекеніндегі егістік қонысында өткен шараға аудан әкімі Жамантай Бейсенбаев, аудандағы барлық ауыл округ әкімдері, жер мамандары, шаруа қожалықтары, өндірістік кооператив, биолабораториялар мен биофабрикалар басшылары, химиялық препараттарды жеткізуші кәсіпкерлер және "Қазсушар" мекемесінің аудандық бөлімшесінің мамандары қатысты.
Қазығұрт ауданының шаруалары егілген жаздық бидайды оруды бастады. Жалпы ауданда 40400 гектар жерге егілген күздік және жаздық бидайдан диқандар егістіктің әр гектарынан 20-25 центнерге дейін өнім алуды жоспарлап отыр.