Елбасының «Болашаққа бағдар: рухани жаңғыру» атты бағдарламалық мақаласы және «25 қазан – Біріккен Ұлттар Ұйымымен құрылған, әйелдерге қатысты зорлық-зомбылықты жоюға арналған халықаралық күрес күніне» орай Арыс қаласының ішкі саясат бөлімінің ұйымдастыруымен қазақтың мәдени мұрасын сақтау, салт-дәстүрлерін насихаттау, отбасылық құндылықтарды көрсету және кеңінен насихаттау, дарындыларға қолдау көрсету мақсатында «Отан – отбасынан басталады» атты байқау өтті.

Түркістан облысының Келес ауданында биыл 11 медициналық пункт ашылып, ел игілігіне берілді. Медициналық тіректердің төртеуі Қошқар ата ауылдық округіндегі елді мекендерде бой көтерсе, Біртілек пен Ақтөбе ауылдық округтерінде де төрт нысан салынған.

Ордабасы ауданының ауыл шаруашылығы саласында биыл 26 млрд. теңгенің өнімі өндірілді. Мал шаруашылығында 317 мал бордақылау алаңы салынып, жылдық жоспар 100 пайызға орындалған. Ауыл шаруашылығы қарқынды дамып келе жатқан ауданның шаруалары «Алтын күз» мерекесін толағай табыспен қарсы алды. 

Алдағы уақытта Түркістан қаласының өркендеуіне баса назар беріледі. Ол үшін 2018-2020 жылдарға арналған облыстық бюджетке өзгерістер енгізу қажет. Түркістанда облыстық мәслихатының кезектен тыс отыз бірінші сессиясында негізінен осы мәселе депутаттардың талқысына түсті. Жиынға облыс әкімі Жансейіт Түймебаев, Облыстық мәслихат сессиясының төрағасы Нұржан Әшіров, облыстық мәслихат хатшысы Қайрат Балабиев, маслихат депутаттары мен басқарма басшылары қатысты. 

Аудан жұртшылығы «Алтын күз» мерекесі мен Шардара қаласының 50 жылдық тойын кең көлемде атап өтті. Алдымен қаладағы Абай көшесінің бойында ауылшаруашылығы тауарларының жәрмеңкесі ұйымдастырылды. 

Жұма күні Түлкібас ауданына «Қазақ тілі әліпбиін латын графикасына 2025 жылға дейін кезең-кезеңімен көшіру жөніндегі іс-шаралар жоспарын» іске асыру мақсатында «Латын негізді әліпби мен емле ережесі туралы насихат» жобасы бойынша көпшілікпен талқылау мақсатында «Тіл – Қазына» ұлттық ғылыми-практикалық орталығы» бас директорының кеңесшісі Оразкүл Асанғазы, Еуразия ұлттық университетінің профессоры, филология ғылымдарының докторы Бекжан Әбдуалиұлы және Назарбаев Университетінің қауымдастырылған профессоры Ағабекова Жазира Ағабекқызы жұмыс сапармен келіп, аудан тұрғындарына семинар өткізді. 

Жыл сайын дәстүрге айналған «Алтын күз» жәрмеңкесі орталық Әл-Фараби алаңында ұйымдастырылды. Қала әкімінің орынбасары Е.Ақтаев, зиялы қауым өкілдері шаруалардың өндірген өнімдерімен танысып, жәрмеңкені аралап, тұтынушылармен жүздесті. 

Шардарада соңғы жылдар бедерінде волейбол спорты жақсы дамып келеді. Әсіресе, жасөспірім қыздардан құралған аудан командасы облыс бойынша бас бәйгені бермей келе жатқанына 3-4 жылдың көлемі болды. 

Апта бейсенбісінде Түлкібас ауданы әкімдігінің үлкен мәжіліс залында аудан әкімінің орынбасары А.Жабағының төрағалығымен Елбасының кезекті Жолдауындағы басты мәселе – кәсіпорындарда және жеке кәсіпкерлердің қарамағындағы жұмысшылардың жалақысын көтеру мақсатында жиын өтті. 

Түркістан облысының орталығында алдағы 30 жылдың көлемінде таза ауызсудан тапшылық болмайды. Себебі, қазір қаланы тіршілік нәрімен қамтамасыз етіп отырған су көздеріндегі қор жеткілікті.