Шымкентке жуырда ғана жеткізілген жаңа автобустар қоғамдық көлік бағыттарына бөлініп, қатынай бастады. Бүйірлеріне қаланың символы - қызыл қызғалдақ салынған аппақ автобустар әзірге үш әлеуметтік бағытта жүр. «T-bus» компаниясы жыл соңына дейін тағы 70 жаңа автобус жеткізуді жоспарлап отыр. Осылайша Шымкент қаласындағы жаңа автобустардың қатары көбейіп, тұрғындарға сапалы қызмет көрсететін болады.

Шымкентте 3 әлеуметтік маңызды бағытта жүретін 30 автобустың таныстырылымы өтті. Іс-шараға қала әкімі Ғабидолла Әбдірахымов бастаған депутаттар, әкімдік қызметкерлері мен БАҚ өкілдері қатысты.

Алдағы уақыттары Шымкент қаласын дамыту мақсатында жалпы аумағы 1,5 миллион гектар болатын Шымкент агломерациясы іске асырыла бастамақ. Негізгі мақсат – қала аумағына кіретін елдімекендердің әлеуметтік, экономикалық, инфрақұрылымдық мәселелерін шешу.