Төтенше жағдай әрекет ету кезеңінде ҚР Сауда және интеграция министрлігі, ҚР Ауыл шаруашылығы министрлігі, ҚР Ұлттық экономика министрліктерінің 2020 жылғы 3 сәуірдегі "Әлеуметтік маңызы бар азық-түлік тауарларына шекті бөлшек сауда бағаларын енгізу туралы" Бірлескен бұйрығымен Шымкент қаласы бойынша әлеуметтік маңызы бар азық-түлік тауарларына шекті бөлшек сауда бағалары бекітілді.
Бүгін Ақпараттық-коммуникациялық орталығында төтенше жағдай кезінде коммуналдық қызметтерді жеткізушілердің шығындарын өтеу, карантин уақытында тұрғын үйге онлайн құжат рәсімдеу, сондай-ақ атаулы әлеуметтік көмек пен 42 500 теңге әлеуметтік көмек алу бойынша онлайн-брифинг өтті. Брифинг барысында Шымкент қаласы әкімінің орынбасары Нұрсадық Ергешбек карантинге байланысты халықтың жекелеген санаттарының коммуналдық шығыны үшін берілетін 15 мың теңгеге қатысты қала тұрғындарының сұрақтарына жауап берді.
Коронавирус инфекциясына байланысты ел аумағында жарияланған төтенше жағдайға орай, Шымкент қаласы тұрғындарын мазалаған мәселелелер бойынша туындаған сауалдарға шұғыл әрі тұщымды жауап беру мақсатында арнайы «Call орталық» жұмысын бастаған болатын. Орталық мамандары 22 наурыз бен 9 сәуір аралығында қоңырау шалған 8 707 азаматқа жауап берсе, 9-19 сәуір аралығындағы 10 күнде тұрғындар қойған 13 253 сауалды тыңдап, нақты жауап берді.
2020 жылғы 21 сәуір, сағат 9-дағы мәлімет бойынша Шымкент қаласынан төтенше жағдай кезеңінде әлеуметтік төлемді алу үшін арнайы портал, сайттардан 471 971 адамнан өтініш түскен.Бұл жөніндеШымкент қаласы төтенше жағдай жөніндегі штабы хабарлады.
Бас мемлекеттік санитариялық дәрігер Қаулысына сәйкес, Түркістанда ҚазПошта мекемесі де уақытша тоқтап, қызметтерді қашықтықтан және онлайн, үйге дейін жеткізіп беру арқылы іске асыруды бастады. Мұндай қызмет күнделікті сағат 10.00-16.00 аралығында жүргізіледі.
Түркістан облысында індеттің таралуына тосқауыл қою мақсатында дезинфекциялық режим күшейтілді. Тек облыс орталығының өзінде бүгінге дейін 1 млн. шаршы метрге жуық жер, яғни, 557 нысан толық тазаланып, залалсыздандырылған.
Жолдар, аяқжолдар, аялдамалар, сауда дүкендерінің сыртқы аймақтарында дезинфекциялық өңдеу жұмыстары жүйелі жүргізілуде. Түркістан облыстық тауарлар және қызметтердің сапасы мен қауіпсіздігін бақылау департаментінің мәліметінше, бұл аумақтар арнайы нұсқаулықтан өткен дезбригадалар көмегімен арнайы ерітіндімен жуылады, залалсыздандырылады.
Санитарлық-эпидемиологиялық шараларды қорғану киімдерін киген арнайы топ жүзеге асыруда. Олардың қатарында ерікті сарбаздардан арнайы жасақталған әскерилер де бар. Осы мақсатта Түркістан қаласының аумағы 17 секторға бөлінді. Осылайша, шаһардағы залалсыздандыру жұмыстарының көлемі мен нысандары нақтыланды. 4 арнайы рұқсаты бар дезинфекциялау бөлімдері Түркістандағы барлық нысандарда жаппай тазарту жұмыстарын жүргізуде. Автобус аялдамаларын арнайы нұсқаулықтан өткен дезбригадалар залалсыздандыруда.
Қалааралық жолаушылар тасымалдау, қалалық қоғамдық көліктің қозғалысы тоқтатылды. Тұрғын үйлердің кіреберістері мен аулаларын кестеге сәйкес тазалануда. Дезинфекция жүргізу кезінде адам денсаулығына зиян келтірмеу үшін өңдеуден дейін 5 сағат ішінде көшеге шығуға тиым салынады.
Төтенше жағдай мен енгізілген карантин ережелерінің сақталуын қамтамасыз ету үшін барлық аудандарда арнайы мобильді топтар құрылды. Тұрғындардың өтініштері аудан әкімдіктерінде ашылған бірыңғай байланыс желісі не облыстық call-орталықтың 109 нөмірі арқылы қабылдануда.
«AQ-QARA.KZ»-ақпарат.
«Шымкент қаласының кәсіподақтар орталығы» аумақтық кәсіподақтар бірлестігі «SENIM» денсаулық сақтау жүйесі жұмыскерлерінің салалық кәсіптік одағының Шымкент филиалымен бірге «Біз біргеміз!» акциясын өткізді.
Түркістан облысы Арыс қаласында ағымдағы жылдың 6 сәуірінен басталған қала аумағындағы жайылымдық жерлердегі шегіртке зиянкестерінің таралуының алдын алу мақсатында химиялық күрес шаралары жалғасуда.