Отырар ауданында Қазақстан Республикасының Тұңғыш Президенті күні  мерекесіне орай «Елін сүйген, елі сүйген – Елбасы» атты тақырыппен дөңгелек үстел өтті. Аталған шараға аудан әкімі Ерлан Айтаханов қатысып, кемеңгер басшының ел тарихындағы сан қилы кезеңдерде оң шешім қабылдап, мемлекетімізді әлем елдерімен тең дәрежеде дамытуға өзіндік қосқан үлесі жайында сөз етті. Қонақтар алдымен Отырар мемлекеттік археологиялық қорық-мұражайы мен аудандық орталық кітапхананың «Елбасы-Ұлт Көшбасшысы» атты көрмелерін тамашалағанын айта кетейік.

Таяуда Жетісайда аудандық «Жастар ресурстық орталығының» ұйымдастыруымен «Екі жұлдыз» ән байқауы өтті. Байқаудың алғашқы кезеңінде 28 жұп қатысып, ақтық сында 7 жұп өнер көрсетті. Ән байқауы 1 желтоқсан – Қазақстан Республикасының Тұңғыш Президенті күні мерекесіне орайластырып ұйымдастырылғанын айта кетейік.  

1 желтоқсан – Тұңғыш Президент күніне орай Мақтаарал ауданында 7 мыңнан аса ағаш көшеті отырғызылды. Аудан әкімі Бақыт Асановтың бастамасымен ұйымдастырылған көгалдандыру іс-шарасына барлық мемлекеттік қызметкерлер атсалысқанын айта кетейік.

Жетісай ауданы әкімдігінде басым дақылдардың құнын субсидиялау қағидасының талаптарын түсіндіру мақсатында алқалы жиын өтті. Мәжіліске Түркістан облысы ауыл шаруашылығы басқармасы басшысының орынбасары Тұрғынбек Оспанов, Түркістан облысы ауыл шаруашылығы басқармасының бас маманы Әлібек Пләлов, Жетісай ауданы әкімінің орынбасары Асан Маханбетов және ауыл округ әкімдері, мақта өңдеу зауыттары мен фермерлік шаруа қожалықтарының басшылары қатысты. 

Түркістан облысының әкімі Жансейіт Түймебаев арнайы жұмыс сапарымен Кентау қаласына барды. Сапар барысында ондағы бірқатар нысандарды аралап, атқарылып жатқан жұмыстармен танысты. Алдымен аймақ басшысы Оранғай ауылдық округіндегі «Әл-Береке» ауыл шаруашылығы өндірістік кооперативіне аялдады. 2016 жылы құрылған нысан көкөніс және жеміс-жидектерді қайта өңдеу, сақтау және дайын өнімді өткізу шаруаларын атқаруға бағытталған.

1 желтоқсан – Қазақстан Республикасының Тұңғыш Президенті күніншардаралықтар аудан орталығындағы «Абай» мәдениет сарайында атап өтті. Еліміздің әнұраны орындалып болған соң, аудан әкімінің міндетін атқарушы Қайрат Жолдыбай мерекелік құттықтау сөз сөйледі.

Өткен жұмада, яғни, 30 қараша күні Кентау қаласында Қазақстан Республикасының Тұңғыш Президенті күні мерекесі қарсаңында 60 пәтерлі 2 көпқабатты тұрғын үй пайдалануға берілді. Салтанатты шараға арнайы қатысқан Түркістан облысының әкімі Жансейіт Түймебаев, үй кезегінде тұрған азаматтарға баспананың кілтін тапсырды.

Түркістан қаласында Қазақстан Республикасының Тұңғыш Президенті күніне арналған мерекелік іс-шара өтті. Оған түрлі салада қызмет атқаратын облыс тұрғындары, мәслихат депутаттары, басқарма басшылары, қоғамдық ұйымдар мен зиялы қауым өкілдері қатысты. Алдымен Қ.А.Ясауи атындағы ХҚТУ-дың фойесінде Қазақстан Республикасының Тұңғыш Президенті күніне арналған көрме ұйымдастырылды. Көрмеде Елбасымыздың қоғамдық және саяси қызметінен сыр шертетін құнды фотосуреттер мен деректер қойылған.

Түркістан қаласындағы әкімшілік-іскерлік орталығында «іскерлік орталықтың» алғашқы құрылыс жұмыстары басталды. Тұтынудың жаңа технологиялары қолданылатын заманауи нысанның капсуласын салған өңір басшысы Жансейіт Түймебаев осынау тарихи сәттің маңыздылығына тоқталып, болашақ орталықтың жоспарымен бөлісті. Жиынға түркістандықтар да қатысып,  ақсақалдар ақ батасын берді.

Президент әкімшілігінің жетекшісі Әсет Исекешевтің төрағалығымен Рухани жаңғыру бағдарламасын іске асыру жөніндегі  селекторлық жиында Түркістан облысының әкімі Жансейіт Түймебаев Елбасының мақаласында айтылған міндеттерді орындауға байланысты өңірде атқарылған жұмыстарды баяндап, алдағы уақытта іске асырылатын жобалармен таныстырды.