Аудан орталығы Абай ауылында орналасқан «Атамекен» салтанат сарайында Келес ауданы әкімінің «Жолың болсын, жас түлек» атты Алтын белгі иегерлерін марапаттау рәсімі өтті. Салтанатты шараға аудан басшысы Ақментай Есбаев арнайы қатысып, оларға алғыс хатын табыстады.
«Қазақстан Республикасының Әкімшілік-аумақтық құрылысы туралы» Заңының тоғызыншы бабына сәйкес, Мемлекет басшысы Нұрсұлтан Назарбаевтың Шымкент қаласына республикалық маңызы бар қала мәртебесін беріп, ал облыс орталығын Түркістан қаласына көшіріп, өңірді Түркістан облысы деп атау туралы Жарлыққа қол қойғанына да 9 ай толғалы жатыр. 9 айдың ішінде Түркістан облысының өмірінде бірқатар оң өзгерістерге талпыныс жасалып, киелі шаһарды түлету үшін талай-талай тірліктердің іргетасы қалануда. Тіпті 9 айдың ішінде өңірге екі әкім тағайындалып үлгерді. Бірақ өзгермеген бір нәрсе бар. Ол – Түркістан облысы әкімдігінің ресми интернет-ресурсы!