Жағымды жаңалық! Жақында Түркістан мен Ташкент облыстары ортақ туристік бағдар құратын болады. Екі көне шаһардың арасында саяхатшыларды тасымалдайтын Түркістан-Ташкент, Ташкент-Түркістан туристік автобус бағыттары ашылып, екі елдің туроператорлары Халықаралық көрмелерде бір стендте бірлесіп қатысатын болады. Мұндай келісімге «Ontustik Tourism Center» Туристік Ақпараттық орталығы Ташкент қаласында ұйымдастырған  «Жібек жолындағы туризм – WorkShop» іс-шарасы аясында қол жеткізілді.