Отырар ауданында дзюдо, самбо күрестерінен СССР-ның спорт шебері, Қазақ күресінен ҚазССР-ның спорт шебері Мәмбетәлиев Оразәлі Дүйсенбайұлын еске алуға арналған республикалық турнирдің ашылу салтанаты өтті.

Отырар ауданының 90 жылдық мерейтойы қарсаңында 50 отбасы баспаналы болып, қоныс тойын тойлады. Тұрғындарды арнайы құттықтап барған аудан әкімі Қайрат Жолдыбайұлы мен аудандық мәслихат төрағасы Уәлихан Жамалханұлы қуаныш иелеріне жаңа пәтердің кілтін табыс етті.

Отырар ауданының 90 жылдық мерейтойы аясында Шәуілдір ауылындағы аудандық мәдениет сарайында отырарлық шығармашыл тұлғалардың көшін жалғап келе жатқан есімі елге танымал суретші, ақын, сазгер, ҚР Мәдениет саласының үздігі, «Ерен еңбегі үшін» медалінің иегері, Отырар ауданының Құрметті азаматы Мәлік Әділхан Табылханұлының «Отырар романтизмі» және «Тамшы» атты кітаптарының тұсаукесер рәсімі өтті.

Отырар ауданының әкімі Қайрат Жолдыбай Қарақоңыр ауыл округінде халықпен кездесіп, есеп берді. Аудан басшысы өткен жылы іске асқан жобалар мен алда тұрған міндеттерге тоқталды. Соның ішінде қазақ халқының маңдайына біткен белгілі сазгер Шәмші Қалдаяқовтың балалық шағы өткен Шәмші ауылында биыл ауқымды іс-шаралар өтеді деп жоспарлануда. «Отырар ауданының 90 жылдығы», «Ш.Қалдаяқовтың туғанына - 95 жыл» аясындағы іс-шараларға дайындық жұмыстары басталып та кеткен.