Саябақтың салтанатты ашылуына Мақтаарал ауданының әкімі Бақыт Асанов пен ел ағалары, еңбек ардагерлері қатысты. Жастармен еркін форматта әңгімелескен аудан басшысы елдің болашақ иелеріне білім-ғылым, спорт, кәсіпкерлік салаларында жастарға жасалып жатқан мемлекеттік қамқорлықтар жайында айтып өтіп, сұрақтарына жауап берді.
Келес ауданы Бірлесу ауылдық округі «Ауыл шарушылығын механикаландыру және автоматтандыру» ғылыми орталығында Келес ауданының әкімі Ақментай Есбаевтың төрағалығымен ауылдық округтер әкімдері, аудандағы шаруа, диқандарының қатысуымен семинар өтті.
Сарыағаш қаласындағы Қабланбек жоғары аграрлық-техникалық колледжіне биыл 90 жыл. Тарихы терең білім ордасының ұжымы мерейлі мерекелерін атап өтті. Айтулы шараға зиялы қауым мен аудан атқамінерлері қатысып, оқу ордасының адами әлеуетті дамытудағы ісіне жоғары баға берді.
«Дәстүрлі құндылықтар керуені» Қазығұрт ауданында да көрініс тапты. Облыс әкімінің тапсырмасына сәйкес, халыққа мәдени, рухани, діни тұрғыда түсіндіру жұмыстарын жүргізу мақсатында ұйымдастырылған шараға аудан тұрғындары мен дін өкілдері қатысты.
Төлеби ауданында алғаш рет «Психологиялық-педагогикалық түзету кабинеттері» ашылды. Онда ерекше балалар мен олардың отбасы үшін дефектолог, психолог, логопед, физиотерапевт, массажист, тифлопедагог сияқты мамандар тегін көмек береді. Әр орталықта ерекше білім беруді қажет ететін 300-ден астам бала жиналған.
Қазақстан Республикасының тәуелсіздігі мерекесі қарсаңында Түркістанда грек-рим күресінен дүбірлі дода басталды. Бұл сайыста 2006-2007 және 2007-2008 жылдары туылған балғын балуандар күш сынасады.
Түркістан облысында ағымдағы жылдың 11 айында қылмыс деңгейі - 24,3 пайызға төмендепті. Аса ауыр қылмыстар - 15,5 пайызға, ауырлығы орташа қылмыстар - 34 пайызға, ал жеңіл қылмыстар – 3 пайызға төмендеген. Бұл туралы ҚР Бас прокуратурасы құқықтық статистика және арнайы есепке алу комитеттінің Түркістан облысы бойынша басқармасының бөлім прокуроры Ботабек Нұрманов Өңірлік коммуникациялар қызметінде өткен брифингте мәлімдеді.
Түркістан облысында «9 желтоқсан - Халықаралық сыбайлас жемқорлыққа қарсы күрес күніне» орай өскелең ұрпақты өнегелі іске бастайтын бірқатар іс-шара ұйымдастырылды. Аталған шара Қазақстан Республикасының Сыбайлас жемқорлыққа қарсы іс-қимыл агенттігінің Түркістан облысы бойынша Департаментінің және «Түркістан - адалдық алаңы» Жобалық кеңсесінің бастамасымен қолға алынды.
Қазақстан Республикасы Тәуелсіздік меркесі қарсаңында аудан орталығы Шолаққорған ауылындағы Асқар Сүлейменов атындағы жалпы орта мектебінің қосымша жайы пайдалануға берілді. Зәулім ғимараттың ашылу салтанатында аудан әкімі Салыхан Полатов құттықтау сөз сөйледі.
Түркістан облысы, Сарыағаш ауданы жастар ресурстық орталығының ұйымдастыруымен «Жайдарман – достық мекені» тақырыбында жайдарман ойындарының финалы өтті.