Мал дәрігерлік қызмет салғырт қарайтын сала емес. Осыны ескерген Бәйдібек ауданының ветеринар мамандары малдарды тоғыту, екпе егу жұмыстарына белсенділік танытуда.

6 желтоқсан – прокуратура күні мерекесіне орай, құзырлы орган қызметкерлері арасында шағын футболдан жарыс басталды. Сайысқа 8 команда қатысып, бақтарын сынап жатыр. 

Қазақстан мен Өзбекстан Орта Азия елдері арасында туризмнің қозғаушы күші болуы қажет. Өйткені қос тартаптың әлеуеті жоғары. Бұл туралы рухани астанада өткен «Түркістан Бір жол-Бір тарих» атты халықаралық инвестициялық туристік форумында айтылды. Жиынға Еліміздің мәдениет және спорт министірі мен Өзбекстан Республикасы Премьер-министрінің орынбасары Азиз Абдухакимов арнайы қатысты.

Жетісай – ел шетінің айбары мен берекенің қайнары болған аймақ. Бүгінде Мырзашөлдің жүрегіне айналған бұл қалаға 50 жыл толып отыр. Қала жұртшылығы жарты ғасырлық мерейтоймен қатар «Алтын күз» мерекесін де дүркірете тойлайды. Сондай-ақ, бұл күні талай- талай таланттың бағын ашқан «Мырзашөл жұлдыздары» атты ән байқауы да болып өтті.

Түркістан облысының әкімі Өмірзақ Шөкеев Төлеби ауданы, Леңгір қаласында бой көтерген заманауи үлгідегі спорттық-сауықтыру кешенінің салтанатты ашылу рәсіміне қатысты. Мемлекеттік жекешілік әріптестік аясында салынған жаңа орталықта спортшыларымен жүздескен аймақ басшысы жергілікті жұртшылықтың  бұқаралық спортқа көптеп тартылуын құптайтынын жеткізді.

Түркістан облысы, Жетісай ауданында әлеуметтік жәрдемақының жаңа түрі түсіндірілді. Жетісай аудандық жұмыспен қамту және әлеуметтік бағдарламалар бөлімінің басшысы Әділхан Әбжанов пен аудандық жұмыспен қамту орталығының директоры Жұмағали Төреқұл бастаған топ елді мекендерді аралауды бастады.

Түркістан облысы Полиция департаменті жанынан құрылған фронт-офистер қарқынды жұмыстар атқаруда. Қазақстан Республикасының Ішкі істер органдарын жаңғырту жөніндегі жол картасындағы тапсырмаларды орындау мақсатында, сондай-ақ аумақтық полиция бөліністерінде бірыңғай үлгі бойынша азаматтарды қабылдау үшін Түркістан облысы Полиция департаментінде халықтық-кеңселер ашылып, азаматтарды қабылдауда.

Мақтаарал ауданында «Қыс-2019» республикалық командалық-штабтық оқу-жаттығу жиыны өтті. Азаматтық қорғау мемлекеттік жүйесін ұйымдастыруды жетілдіру, сондай-ақ басқару органдарын, күштер мен құралдарды даярлау мақсатында өткен жиынға аудан әкімі Бақыт Асановтың өзі арнайы қатысып, аудандық азаматтық қорғаныс және төтенше жағдайлар жөніндегі қызметтердің дайындығын қарап шықты.

Түлкібастық көпбалалы ана атаулы әлеуметтік көмек қаржысына үй іргелік сүт фермасын ашуды жоспарлап отыр. Бүгінгі таңда Түлкібас ауданында жұмыссыз, тұрмысы төмен азаматтарға және табысы төмен отбасыларға, оның ішінде көпбалалы отбасыларға мемлекет тарапынан тұрмыс сапасын арттыруға және өзін-өзі жұмыспен қамтуға бағытталған бағдарламалар толыққанды іске асуда.

Әл-Фараби атындағы Қазақ Ұлттық университетiнiң философия және саясаттану факультетiнiң II курс докторанты, шардаралық Серғазы Құдайбергенов Испан елінде шетелдік ғылыми тағылымдамадан өтуде. Шетел университеттері негізінде заманауи зерттеу әдістері мен ақпараттық-коммуникациялық технологияларды пайдалана отырып, кәсіби салада ғылыми-зерттеу және тәжірибелік-конструкторлық жұмыстарды жүргізуге докторанттардың қабілеттілігін қалыптастыру мақсатындағы 1998 жылғы 27 қазандағы Қазақстан Республикасы мен Испания Корольдігі арасындағы Мәдениет, білім және ғылым салаларындағы ынтымақтастық туралы келісімге сәйкес Серғазы бүгінде Испан елінде шетелдік ғылыми тағылымдамадан өтуде.