Түлкібастық «Адал» шаруа қожалығы 3 мың бас ірі қарамалды бордақылап, жылына 1200 тонна мал етін өндіруді жоспарлап отыр.

Шардара қаласында өнімділігі тәулігіне 2 мың текше метрді құрайтын қосымша канализаиялық тазалау ғимаратының құрылысы жүріп жатыр.

Жетісай ауданында ауыз толтырып айтарлық жұмыстар жетерлік. Айталық, Жаңаауыл округіне қарасты Ынтымақ ауылында жеке кәсіпкер Бахтияр Шавкеев 2 қабатты диагностикалық орталықтың құрылысын жүргізуде. Аумағы атшаптырым нысанның құрылысы сәуір айында басталған. Бүгінде мұнда 14 құрылысшы үш ауысыммен жұмыс істеуде. 

Арыс қаласында құрылыс жұмыстары тәулік бойына жалғасу үстінде. Бүгінгі таңда зақымданған және жарамсыз деп танылған 7611 үйдің 4641-інде жөндеу жұмыстары өз уақытымен жүріп жатыр. Оның орындалуы 60,05 пайызға жеткен. Ал біткен үйлер саны 2680, яғни 35,41 пайызды құрайды. Жалпы 17 сектордағы әр облыс өздеріне берілген мерзімде қолға алынған шаруаны аяқтауға жақындап қалған. 

Мақтаарал ауданында 2 кент пен 67 елді мекен орналасқан. Ауданды құрылыстың ордасына айналдырып, абаттандыру жұмыстарын жүргізу үшін әрбір елді мекенге бас жоспар керек екені белгілі.

2018 жылғы дейін аудандық сәулет, қала құрылысы және құрылыс бөлімі тарапынан 2 кент және 28 елді мекен оңайлатылған бас жоспармен қамтылған болатын. Ал биыл қалған елді мекендердің барлығын бас жоспармен қамтамасыз ету үшін жергілікті бюджеттен қаржы қарастырылып, барлығы 39 елді мекеннің бас жоспарын әзірлеу жұмыстары жүруде.

Мырзакент кентінің аумағын ұлғайтуға арналған 160 гектар жер теліміне және Жамбыл ауылдық округіне қарасты Жамбыл елді мекенннің аумағындағы "Атамекен" кеден бекеті маңындағы 45 гектар жер телімдеріне де егжей-тегжей жоспарлау жобасы жасалынып жатыр.

Ауданның сәулет, қала құрылысы және құрылыс бөлімі Мырзакент кенті Қожанов көшесі бойын көгалдандыру, абаттандыру және жарықтандыру бойынша эскиздік жобасын дайындаған. Сонымен қатар Мырзакент кентіндегі орталық аллея, аудандық мәдениет үйі, орталық саябақ, "Жеңіс" алаңына және Жаңа жол а/о, Ақжол елді мекені Қазыбек би көшелерін абаттандыру, жарықтандару үшін эскиздік жобалар әзірленіп, аудан әкімдігіне ұсынған болатын.Бүгінгі таңда осы жобалар бойынша абаттандыру жұмыстары жүріп жатыр.

«AQ-QARA.kz»-ақпарат.

Қазіргі таңда Жетісай ауданында жол жөндеу жұмыстары қарқын алды. Аудан орталығындағы М.Әуезов көшесінің 2 шақырымдық аймағындағы орта жөндеу жұмыстары аяқталуға жақын. 

Түркістан облысының әкімі Өмірзақ Шөкеев жұмыс сапарымен Кентау қаласына барды. Онда әуелі «Яссы-құс» фабрикасына аялдады. Шаруа қожалық 2016 жылы жұмысын бастаған. Негізінен жұмыртқа өнімін өндірумен айналысады. Фабрикада 18 адам тұрақты жұмыспен қамтылған. Орташа жалақы 45000-50000 теңге аралығында. Қожалықта 4 жұмыртқалайтын  цех пен құрама жем сақтайтын қойма бар.  Жобаның  құны  – 198 млн. теңге. Қазіргі таңда  голландиялық «Лабраун»  породасынан  – 50 мың дана тауық бар. Фабриканың айлық қуаттылығы – 1 350 000 дана жұмыртқа, ал жылына 16 200 000 дана жұмыртқа шығаруға қауқарлы.

Арыс қаласында 1870 үйдің жөндеу жұмысы аяқталды. Бұл туралы бүгін Арыс қаласында өткен облыс әкімдігінің аппарат отырысында айтылды. Түркістан облысының әкімі Өмірзақ Шөкеев төтенше жағдайдың зардаптарын жою, құрылыс қарқынын бәсеңдетпеу, тұрғындарға жан-жақты жағдай жасау мәселелерін қозғап, құрылысты кешіктіріп жатқан сектор басшыларына жұмысты күшейту керектігін айтты.

Түркістан облысы Кентау қаласында бетон өндіретін «Фахри СтройБетон» ЖШС іске қосылып, жұмысын бастады. Жаңа зауыт м150-м450 маркалы  бетондарды өндіреді. Өндіріс орны қазіргі таңда 30 адамды тұрақты жұмыспен қамтып отыр. Зауыт сағатына  3 текше метрлік 120 дана бетон өңдеуге қауқары жетеді.

Медициналық қызметтерді сатып алу цифрлық форматқа өтеді. Бұл процестің ашық әрі әділетті өтуі үшін қолға алынған. Медициналық сақтандыру қоры 2018 жылдан бастап – кепілдендірілген тегін медициналық көмек көлемі шеңберіндегі қызметтерге тапсырыс беруші әрі халыққа көрсетілген қызмет ақысын төлеуші. Қызмет көрсетушілерді таңдау мен келісімшарт бекіту ҚР Денсаулық сақтау министрінің 2017 жылғы 7 тамыздағы № 591 бұйрығы негізінде жүргізіледі. Сонымен қатар, медициналық қызмет көрсететін жеткізушілерді республикалық және аймақтық комиссиялар іріктейді.