Түркістан облыстық мәдениет басқармасының бастамасымен Ы.Алтынсарин атындағы облыстық балалар кітапханасының ұйымдастыруымен ең көп оқитын оқырмандар арасында «Руханиятымыздың алып бәйтеректері» атты облыстық байқау өткізілді.

Елімізде ауыл шаруашылығы саласына бөлінген көмек қоры аз емес. Агро саланы дамыту бағытында қолға алынған бағдарламалар да өз нәтижесін беріп келеді. Шаруаларды жанар жағар маймен, субсидиямен қамту ісінде де ілгерілеушілік бар. Осындай мүмкіндікті мүлт жібермей, шаруасын шалқайтқандардың бірі Түркістан облысы, Бәйдібек ауданындағы  «Ерсұлтан Агро» шаруақожалығы.

Шаруаға бейім аймақ тұрғындары мемлекеттік бағдарламаның қолдауымен кәсіптерін ұршықша иіріп отыр. «Тиімді шағын және орта бизнес – қала мен ауылды дамытудың берік негізі». Осылай деген Президент пікіріне моно қала тұрғындары еңбекпен үн қоспақ.

«Мектеп зертханасы - ғылымға бастар жол». Осындай айдармен Мақтаарал ауданы Атакент кентіндегі №9 жоғары орта мектебінде аймақтық семинар өтті. Білім ордасында аудан мектептерінен жиналған оқу озаттарының ғылыми жобалары мен зерттеу жұмыстарының көрмесі қойылды.

Түркістан облысының прокуроры Нұрғалым Әбдіровтің іс-сапары Төлеби ауданының әр елдімекенінен келген 200-ден астам тұрғыны жиналған кездесуден басталды. Кездесу барысында аудан прокуроры Д.Тлемисов азаматтардың құқықтарын қорғау және құқықбұзушылықтың алдын алу бағытында атқарған жұмыстарын баяндап өттіп, полиция бөлімінің бастығы Б.Жанаев тұрғындарға құқықбұзушылықпен күресу бағытында жүргізілген жұмыстарды жеткізді.

Словения мемлекетінің Градец қаласында дзюдодан жасөспірімдер арасында өткен Еуропа кубогында Түркістан облысы Сарыағаш аудандық №2 спорт мектебінің спортшысы Тоқтаев Ерлан Нұрбекұлы 60 келіде қарсыластарынан басым түсіп жарыс жеңімпазы атанды.

Қазақстан Республикасы Мәдениет және спорт министрлігінің Спорт және дене шынықтыру істері комитетінің ұйымдастыруымен 2019 жылдың 4-15 қараша күндері аралығында Қостанай облысының Лисаковск қаласында 2004-2005 жылғы жасөспірімдер арасында баскетболдан Қазақстан Республикасы чемпионаты болып өтті. 

Түркістан облысы Кентау қаласында 2019 жылы жүзеге асырылатын басымды 50 жобаның бірі, қалаға қарасты Жүйнек ауылында модульді мал сою алаңы құрылды. Құны 11 млн. теңге тұратын бекет Алматы қаласынан әкелінген. Шаруақожалықтың атауы «НұрФархат».

Бүгін Түркістан облысының жұмыспен қамтуды үйлестіру және әлеуметтік бағдарламалар басқармасының басшысы Әсия Темірбаева мақталы Мақтаарал ауданына жұмыс сапарымен келіп, көп балалы аналармен кездесу өткізді. Жиынға аудан әкімі Бақыт Асанов арнайы қатысып, төрағалық жасады. Кездесу барысында Әсия Құралқызы атаулы әлеуметтік көмектің жаңа форматы туралы түсіндіріп, тұрғындар тарапынан қойылған сұрақтарға ынта-ықыласымен жауап берді. 

Түркістан қаласының экологиялық ахуалын тұрақтандыру және қолайлы климат қалыптастыру мақсатында облыс әкімдігінің ұйымдастыруымен апта сайын сенбілік өтетіні белгілі. Осы орайда облыс орталығы 32 секторға бөлініп, көгалдандыру, абаттандыру жұмыстары жүруде. Кезекті сенбілік өткізуге облыстық Қоғамдық даму басқармасы, "Nur Otan" партиясы Түркістан облыстық филиалы мен үкіметтік емес ұйымдар және ерікті жастар бастама көтерген болатын.