Мемлекет басшысы Қасым-Жомарт Кемелұлы Тоқаевтың ағымдағы жылғы 2 қыркүйектегі «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына арнаған Жолдауында «Халық үніне құлақ асатын мемлекет» тұжырымдамасына ерекше назар аударды. Ондағы басты мақсат халықпен тікелей қатынас орнату болып табылады.
«Хан-Назар» ІІ Республикалық балалар фестивалінде шардаралық бүлдіршіндер жеңімпаз атанды. Шардара қаласы «Абай» мәдениет үйінде «Балақай» балалар қорының ұйымдастыруымен өткен «Хан-Назар» ІІ Республикалық өнер сайысына 4-17 жас аралығындағы балабақшалар мен мектептер, мектептен тыс мекемелерден 100-ден астам жас өнерпаздар қатысты.
«Nur Otan» партиясы Түркістан облысы филиалының «Open Space» форматындағы қоғамдық қабылдау бөлмесінде Түркістан облысының прокуроры Әбдіров Нұрғалым Мәжитұлы бір топ азаматты қабылдады. Облыстың бірнеше аймақтарынан келген 11 тұрғын партия ұсынған мүмкіндікті пайдалана отырып, өздерін мазалаған мәселелер бойынша талап-тілектері мен арыз-шағымдарын айтты.
Түркістан облысының ПД-ның полицейлері терроризмге осал нысандарды тексеруді жалғастыруда. Қазақстан Республикасының Үкіметі бекіткен қаулыға сәйкес террористік тұрғыдан осал объектілерге: аса маңызды мемлекеттік объектілер, стратегиялық, қауіпті өндірістік объектілер және денсаулық сақтау мен білім беру мекемелері, спорт мекемелері, теміржол вокзалдары, қоғамдық тамақтану объектілері, қонақ үйлер, демалыс аймақтары және тағы да басқалар жатады.
Түркістан облысы, Отырар ауданында табиғатты қорғау полицейлері түнгі уақытта заңсыз аң аулаған азаматтарды ұстады. Бұл заңсыздық Отырар АПБ-нің қызметкерлерінің «Браконьер» жедел-профилактикалық іс-шарасын жүргізу барысында анықталған.
Түркістан облысы бойынша ағымдағы жылдың 9 айында экология департаментіне жеке және заңды тұлғалардан 81 өтініш келіп түскен. Оның ішінде 60 – жеке тұлғалардан, 21 - заңды тұлғалардан. Қазіргі таңда 7 өтініш қарауда. Жалпы 74 өтінішке жауап жолданған. Бұл туралы Түркістан облысы Өңірлік коммуникациялар қызметінде өткен брифингте Экология департаментінің басшысы Имангелді Түймебаев мәлімдеді.
Биылғы жылдың 9 айында ауыл шаруашылығы өнімінің жалпы көлемі 450 млрд. теңгені құрап, былтырғы жылмен салыстырғанда едәуір артқан. Бүгінде Түркістан өңірінде 70 мыңнан астам шаруа қожалықтары жұмыс істейді. Облыста егістік алқаптары ұлғайтылып, егісті әртараптандыру мақсатында мал азықтық дақылдарға көңіл бөлініп отыр.
Түркістан облысында өрт жағдайы бүгінгі таңда былтырғы жылмен салыстырғанда 30 пайызға өскен. Бұл туралы Түркістан облысы өңірлік коммуникациялар қызметінде өткен брифингте Түркістан облысы Төтенше жағдайлар департаментінің бастығы азаматтық қорғау полковнигі Н.Жүнісов мәлімдеді.
«Түркістан - Адалдық алаңы» Жобалық кеңсесімен бастау алған жастар арасындағы «Адал жолды таңдаймыз» атты сыбайлас жемқорлыққа қарсы облыстық марафон эстафетасының туы Сарыағаш ауданынан Қазығұрт ауданына жолданды.
Жұртты адал сауда жасауға шақыратын сауда орны бұл жолы облыстық жастар ресурстық орталығының ғимаратынан есік ашты. Аталған дүкеннің іске қосылуына «Түркістан – Адалдық алаңы» жобалық кеңсесі мен облыстық Жастар ресурстық орталығы ұйытқы болды.