Арыс қаласында Түркістан облысы ауыл шаруашылығы басқармасының ұйымдастыруымен бұқаралық және ұлттық спорт түрлерін дамыту, тұрғындар арасында салауатты өмір салтын қалыптастыру мақсатында «ALTYNKÚZ – 2019» облыстық спорттық сайысы өтті. Шараға Түркістан облысы мен аудан және қалалардың ауыл шаруашылығы саласында еңбек етіп жүрген 400-ге жуық мемлекеттік қызметкер қатысты. 

Түркістан қаласында 6-7 қараша күндері «Әзірет Сұлтан» мемлекеттік тарихи-мәдени қорық-музейі» РМҚК және Қожа Ахмет Ясауи атындағы Халықаралық қазақ-түрік университетінің ұйымдастыруымен «Ұлы даланың ұлы есімдерін» ұлықтау мақсатында және «Жастар жылына» орай дәстүрлі «Ясауитану-2019» республикалық байқауы өтті. 3 кезең, 4 ереже, 7 міндеттен тұратын бұл сайысқа еліміздің 17 өңірінен дарынды оқушылар қатысты. 

Мамандардың сөзінше, қуаты аз, ескірген генераторлардың орнына СЭС-ті жаңғырту бағдарламасы аясында 2019 жылдың бірінші жартысында әрқайсысының қуаты 31,5 МВт болатын екі жаңа су агрегатының (ГА-1 (2019 жылғы 25 ақпанда) және (ГА-2 (2019 жылғы 28 сәуірде) пайдалануға берілуі генерациялау жоспарын асыра орындауға мүмкіндік берді.  «Шардара СЭС» АҚ 2019 жылдың басынан бері жоспарланған 301 900 мың кВт сағаттың орнына 403 655 мың кВт сағаттан астам электр энергиясын өндірді. Осылайша су электр станциясы электр энергиясын генерациялаудың жылдық тапсырмасын мерзімінен бұрын орындады.  

«…Ауданымызда ауыл шарушылығы саласы өсіп, өркендеп, дамып келеді. Ол үшін көптеген мемлекеттік бағдарламалар жасалып, осы бағытта тиісті жұмыстар атқарылуда. Мәселен, биыл Мақтаарал ауданының диқандары 60 926 гектар жерге егін екті. Оның ішінде 38 185 гектары мақта, 11 502 гектары бақша, 3 178 гектары дәндік жүгері, 2 055,4 гектар жерге көпжылдық екпе, 2 003 гектары жаңа жоңышқа, 1 827,6 гектары түрлі көкөністер, 1 615 гектары күріш, 500 гектары сүрлемдік жүгері, 152 гектары маш, 47 гектары жаздық бидай және 54,2 гектар жерге картоп егілген болатын. 

Жетісай ауданындағы Жаңаауыл ауылдық округінің ішкі көшелерінің жалпы ұзындығы 70,5 шақырымды құрайды. Оның 45,2 шақырымы асфальт болса, 15,3 шақырым көшеге тас төселген. 

Бүгін Жетісай ауданының әкімі Жамантай Бейсенбаев жұмыс сапарымен Шаблан Ділдәбеков ауылдық округінде болды. Алдымен ол аталмыш округте орналасқан ауданның кіреберіс қақпасының жұмыстарымен танысты. Құрылыс жұмыстарының уақытылы әрі сапалы аяқтау қажет екендігін айтқан аудан әкімі мердігер компания өкіліне ел үшін жасалатын жұмыстарды кемшіліксіз жасауға шақырды. 

«Жұмыспен қамту» бағдарламасы Сарыағаш ауданындағы жұмысыз жүрген талай азаматтың өз бетінше кәсіп етуіне мүмкін берді. Биылдың өзінде 5 мың 900 азамат жұмыссыздық қамытынан құтылды. 

Бүгін аудан әкімі Бақтияр Мамаев, Түркістан облыстық мәслихат депутаты, облыстық өзбек этномәдени бірлестігінің төрағасы Бадритдин Нишанкулов, «Нұр Отан» партиясы Сайрам аудандық филиалы төрағасының бірінші орынбасары А.Әбдіқадыров, аудан әкімінің орынбасары Мадияр Оразалиев, Түркістан облысы әкімі аппаратының «Қоғамдық келісім» ҚММ Сайрам аудандық филиалы басшысы А.Сайтмуратов «Нұр Отан» партиясы Сайрам аудандық филиалының мәжіліс залында аудан тұрғындарының арыз-шағымдары бойынша қоғамдық қабылдау өткізді. 

Кілем жəне кілем өнімдерін өндірумен айналысатын «Bal Tekstil» ЖШС-нің басшылары аудан тұрғындарымен кездесу өткізді. Жиынға аудан әкімінің орынбасары С.Дүйсебаев, Халықты жұмыспен қамтуорталығының директоры Д.Шарипов қатысып, кездесудің мақсатын түсіндірді. 

Қазақстан Республикасының Мемлекеттік қызмет істері агенттігінің Түркістан облысы бойынша департаментінің басшысы, Әдеп жөніндегі кеңес төрағасы Б.Исақовпен келісіліп, Түркістан облысы әкімі аппаратының басшысы Ә.Тұрғымбеков бекітіп берген, Түркістан облысының жергілікті атқарушы органдары көрсететін мемлекеттік қызметтердің сапасын жақсарту, сондай-ақ көрсетілетін қызметті алушылар тарапынан наразылық факторларын азайту жөніндегі іс-шаралар жоспарына сәйкес, мемлекеттік қызмет көрсету бойынша Шардара ауданы әкімі аппаратының ұйымдастыруымен жәрмеңке өткізілді.