Мемлекет басшысы Қасым-Жомарт Тоқаев ұлықтау рәсімінде сайлауалды бағдарламасын жүзеге асыруға негізделген 10 бағытты атап өтті. Бұл бағыттардың бәрі Қазақстанды дамытып, елдің тұрмыстық-әлеуметтік жағдайымен қатар рухани деңгейінің көтерілуіне де серпін бермек. Қоғамның барлық саласы қамтылған Президенттің алдағы жоспарлары туралы Түркістан облысының зиялы қауым өкілдері де пікір білдірді.
Мақтаарал ауданы әкімдігі мен «Азаматтарға арналған үкімет» МК КЕ АҚ-ның «Халықа қызмет көрсету орталығының» Мақтаарал аудандық бөлімінің бірлескен іс-шаралар жоспарына сәйкес, әкімдік қызметкерлері мен ХҚКО мамандары кешегі сәрсенбіде Мырзакент кентіндегі «Мәдениет үйінде», 27 маусым күні Атакент кентіндегі Атакент кенті әкімі аппаратының ғимаратында, 28 маусым күні орталық базар аумағында халық жиналатын орындарында мемлекеттік көрсетілетін қызметтердің жәрмеңкесі өткізілді. Іс-шара барысында қызметтерді электронды үкіметтің «Egov.kz» порталы арқылы және «EgovKzBotTelegram» арқылы алу жолдары насихатталды.
Бүгін Түркістан облысының әкімі Өмірзақ Шөкеев апталық аппараттық мәжілісті Арыс қаласының әкімдігінде өткізді. Жиынға өңірдегі құрылым басшыларынан бөлекреспубликаның барлық облыстарының өкілдері қатысты.
Бүгін Түркістан облысы Жетісай ауданында 23 маусым мемлекеттік қызметшілер күніне орай салтанатты жиын өтті. Аудан әкімі Жамантай Бейсенбаев мемлекеттік қызметшілерді кәсіби мерекесімен құттықтап, мемлекеттік қызметшілердің бүгінгі рөлі, мойнындағы міндеттері үлкен жауапкершілікті қажет ететіндігін атап өтті.
«Құрметті әріптестер! Сіздерді 23 маусым кәсіби мерекеміз – мемлекеттік қызметшілер күнімен шын жүректен құттықтаймын! Кез келген қоғам мемлекеттік басқарусыз, яғни мемлекеттік қызметшілерсіз әрекет етуі мүмкін емес. Билікке деген сенім қазіргі қоғамның талаптарына сай мемлекеттік қызметшіден басталады. Сондықтан мемлекеттік қызмет – бұл барлық мемлекеттік басқаруды ұйымдастырудағы жетекші рөлді атқаратын мемлекет жүйесінің ең маңызды тетіктерінің бірі саналады», - деді Жамантай Қанайұлы.
Жиын барысында аудан әкімі облыс және аудан экономикасы мен әлеуметтік дамуына аянбай еңбек етіп жүрген бір топ мемлекеттік қызметкерлерге облыс, аудан әкімінің атынан алғыс хат табыс етті. Солардың қатарында Түркістан облысының әкімі Өмірзақ Шөкеевтің арнайы грамотасымен марапатталғандары да бар. Шара соңы концерттік бағдарламаға ұласты.
«AQ-QARA-KZ» - ақпарат»
23 маусым – мемлекеттік қызметшілер күні мерекесі қарсаңында Түлкібас ауданы әкімдігінің ұйытқы болуымен «Жақсылықтың басы – қайырымды іс» атты қайырымдылық шарасы өтті.
Бүгін Жетісай ауданы әкімдігінде аудан әкімі Жамантай Бейсенбаевтың қатысуымен аудандық мәслихаттың кезектен тыс он алтыншы сессиясы өтті. Оған мәслихат хатшысы Әлихан Утанов, аудан әкімдігінің бөлім басшылары, ұйымдар мен мекеме басшылары қатысты. Сессияға аудандық мәслихат депутаты Жұмағали Төреқұл төрағалық етті.
ҚАДІРЛІ ҚАЗАҚ ЕЛІ! ҚҰРМЕТТІ ТҮРКІСТАНДЫҚТАР!
Сіздерді Түркістан облысының құрылғанына 1 жыл толуымен құттықтаймын.
Бүгін алтыншы шақырылымдағы Түркістан қалалық мәслихатының кезектен тыс қырық жетінші сессиясы өтті. Оған қаладан сайланған 13 депутат қатысты.