Жиынды Шымкент қаласының 748 әскери бөлімінің сарбаздары, Үүрмелі аспаптар оркестрі және фольклорлық ансамблі еліміздің Әнұранымен бастап, соңынан Семей полигоны құрбандарын еске алу үшін бір минуттық үнсіздік жарияланды.

Сондай-ақ, шара барысында Шымкент қаласының Қорғаныс істері жөніндегі департаменттінің, Шымкент қалалық Ардагерлер кеңесінің өкілдері сөз сөйледі. Ал, Шымкент қаласының Құрметті азаматы, “Алтын барыс” төсбелгісі мен “Шапағат” медалінің иегері, отставкадағы полковник Серікбай Онбаев бұл іс-шараның өтілу барысы мен мақсатын түсіндіріп берді. Мұнан кейін жиналған қауым Ұлы Отан соғысының даңқты батыры, генерал-майор Сабыр Рахымовтың ескерткішіне гүл шоқтарын қойды.

Гүл шоқтарын қоюға облыстық және қалалық ардагерлер кеңесінің мүшелері, Ұлттық ұлан сарбаздар, Семей ядролық сынақ полигонына қатысқан азаматтар мен қала әкімдігінің қызметкерлері қатысты.

Айта кетейік, 29 тамыз - ядролық сынақтарға қарсы іс-қимылдың халықаралық күні.

1991 жылы дәл осы күні әлемдегі ең қуаттылығы жағынан екінші орында тұрған Семей ядролық полигонын жабу туралы Жарлыққа қол қойылған болатын.

Бұл шараға жиналған Семей полигоның ардагерлері қала әкімінің алғыс хат, Құрмет грамоталарымен марапатталып, жиын соңында құрметпен дайындалған ақ дастарханға жайғасты. Әрі қарай қазақ патриоттық әндері мен күйлері тыңдалып, жиын соңы әдемі көңіл-күйде өз мәресіне жетті.