Алдымен Агенттік төрағасы «Отырар» шағынауданындағы құрылыс алаңын аралап, қарқын алған құрылыс жұмыстарының сапа деңгейіне назар аударды. Нысандарды қарау барасында облыстық құрылыс басқармасы басшысы Тоқтар Үсіпәлиев «Отырар» шағынауданында үстіміздегі жылдың бірінші жартыжылдығында «Нұрлы жер» бағдарламасы бойынша 660 пәтерлі 11 көпқабатты тұрғын үй, ал жыл соңында 540 пәтерлі 9 көпқабатты тұрғын үйді пайдалануға берілетінін, бұл үйлер қала үй кезегінде тұрған тұрғындарға өз кезегімен берілетіндігін баяндады. 

Сонымен қатар«7-20-25» бағдарламасы аясында жаңа шағынауданда жеке инвесторлар есебінен көпқабатты 6 ипотекалық тұрғын үй құрылысы жүргізіліп жатқандығынан да хабардар етті. Төраға өз сөзіндесалынып жатқан құрылыс нысандарының сапасына тиісті бақылауды назарда ұстау туралы айтып, бюджеттің әрбір қаржысы жіті бақылауда екенін де ескертіп өтті.

Айта кетсек, рухани астананың құрылыс жұмыстары негізінен Қожа Ахмет Ясауи кесенесінің маңындағы «Тарихи аймақты» қайта жаңғырту бойынша жүргізілуде.

«AQ-QARA.kz»-ақпарат.