Осыған орай, Сарыағаш ауданы бойынша мемлекеттік кірістер басқармасымен тәуекел дәрежесі жоғары салық төлеушілерді қоспағанда, дара кәсіпкер ретінде тіркеуде тұрған жеке тұлғаларға және жеке практикамен айналысатын тұлғаларға қатысты шығарылған 4,3 мыңнан астам банк шоттары бойынша шығыс операцияларын тоқтата тұру туралы өкімдер мен 600-ден астам инкассалық өкімдер кері қайтарылды, -деп хабарлайды Сарыағаш ауданы бойынша мемлекеттік кірістер басқармасы.
Сондай-ақ, Басқармамен Түркістан облысы бойынша Жеке сот орындаушылар палатасына бұрын жіберілген 4,8 мыңнан астам салық бұйрықтары бойынша азаматтардың кез-келген шоттарына салынған тыйым салу әрекеттерін уақытша тоқтата тұруды және жеке тұлғалардың берешектерін өндіріп алу туралы орындалудағы салық бұйрықтары бойынша тыйым салуларды тоқтата тұруды сұрап, хат жолданды.
«AQ-QARA.KZ»-ақпарат.