Жалпы аудандық тазалық жұмыстарына аудан тұрғындары бір кісідей атсалысып, қураған талдар кесіліп, арық-атыздар мен аудан көшелері қоқыстан тазартылды. Ондай-ақ көгалдандыру, абаттандыру жұмыстары жүргізілді,-деп хабарлайды Сарыағаш ауданы әкімдігінің баспасөз қызметі.
Сонымен қатар, ұйымдастырылған бұл сенбілікке Сарыағаш қаласында орналасқан мекеме қызметкерлері және қала халқы белсене қатысты.
«Аудан – ортақ үйіміз. Сондықтан, оның көркейіп, гүлденуіне әрбір тұрғын бей-жай қарамай, қоқыс-қалдықтарды кез келген жерге лақтырмай, таза ұстауға ат салысуы қажет. Өйткені, ортақ үйіміздің көркеюі өз ауламызды таза ұстаудан басталатыны белгілі. Тазалық - тәртіптің тірегі, денсаулық кепілі және дамудың тетігі. Әр сенбі күні аудан тұрғындарын өз аулаларымен көше бойларын тазалап, аудан аумағын таза ұстауға шақырамыз»,-дейді қызметкерлер.
Айта кету керек, төтенше жағдай кезінде өткерілген сенбілік барысында барша қатысушылардың қауіпсіздігі ескерілген және сақтық шаралары толық сақталған.
«AQ-QARA.KZ»-ақпарат.