Аудан әкімінің орынбасары Айкен Темір бүгін жомарт кәсіпкерлеріміздің демеушілігімен бөлінген азық-түлікті аудан орталығы Шаян ауылындағы 37 отбасының үйлерін аралап тапсырып шықты.

Жалпы аталған кәсіпкерлер аудан орталығындағы қоймаға 300 отбасыға арнап 17,5 тонна ұн, 1,75 тонна күріш, 1,75 тонна өсімдік майын түсірген болатын. Бұл азық-түліктер кезең-кезеңімен аудандағы Ағыбеттен 10, Алғабастан 36, Алмалыдан 16, Ақбастаудан 30, Боралдайдан 36, Бөгеннен 48, Борлысайдан 16, Жамбылдан 22, Көктеректен 5, Мыңбұлақтан 44, Шаяннан 37 атаулы әлеуметтік көмек алушылар мен өмірлік қиын жағдайдағы отбасыларға үлестіріліп, үйлеріне апарылып берілді.
Айта кетерлік жайт Бәйдібек ауданында бүгінгі күнге дейін демеушілер есебінен жекелеген санаттағы 683 отбасыға 8 млн. 385 мың теңге қаржының көмегі көрсетілді.

«AQ-QARA.KZ»-ақпарат.