Шаһар басшысының сөзінше, қалада жалпы ұзындығы 845 шақырымды құрайтын көше бар. Жыл басынан бері қала ішіндегі жолдардың 9,2 шақырымына құрылыс жұмыстары , ал 81 көшеге орташа жөндеу жұмыстары жүргізілген. Сондай-ақ, аталған жұмыстардың барысында 109,1 шақырым аяқ жолдар мен 15,7 шақырым суағар науа, 15,7 шақырым жарықтандыру жүйесі мен 2,7 шақырым веложолдар салынады.

«2020 жылда атқарылатын жұмыстардың нәтижесімен асфальт жолдар 13,7 % пайызға өссе, тас жолдар 13,65 % пайызға азайып отыр. Сонымен қатар, биыл орталық 3 көшеге 17 дана соңғы үлгідегі заманауи аялдамалар орнатылды. Бұдан өзге, облыс орталығында 875 көшенің 162-і, яғни, 282 шақырымы жарықтандыру жүйесімен қамтылған. 2020 жылы 160 шақырымды құрайтын 123 көшеге жарықтандыру жұмыстарын жүргізу жоспарланған. Қазіргі таңда, олардың 101 шақырымды құрайтын 78 көшесінде жұмыстар аяқталған», - деді Рашид Абатұлы. Облыс орталығында сонымен қатар жыл соңына дейін қала көшелерін жарықтандырумен қамту деңгейі 18,9 пайызға артып, 33,3 пайызға жеткізу жоспарлануда.

«AQ-QARA.KZ»-ақпарат