Мамандардың сөзіне сенсек, үш шақырымға созылып жатқан темір қоршаудың кесірінен жол апаты да жиілеген көрінеді. «Алайда бұл қоршаудың барлығы да жарамды. «ЛТД Тұрмыс» ЖШС-нің қоймасында сақталады. Егер қайсыбір көшеге қоршау орнату қажет боп жатса, кәдеге асырамыз» дейді Шымкент қаласының тұрғын үй-коммуналдық шаруашылық бөлімінің сектор меңгерушісі Жандос Оспанов.

Айта кетер жайт, Қонаев даңғылындағы бұл қоршаулар әу баста жаяу жүргіншілер көшенің тек рұқсат етілген бөлігінен өтуі үшін орнатылған-ды. Яғни адамдардың қауіпсіздігі ескерілген болатын. Бірақ бұдан кейін тұрғындар жолдың кез келген жерінен кесіп өтпейді, жол ережесін бұзбайды дегенге кепілдік бар ма? Оны уақыт көрсетеді.

    «AQ-QARA.KZ»-ақпарат.