Кеншілер шаһарында қала әкімдігінің ұйымдастыруымен «Алтын күз» шарасы өтті. Жәрмеңкеде ауылшаруашылығы өнімдері сатылымға шығарылып, арзандатылған бағада жәрмеңкеге келген қонақтарға жол тартты. Мұндағы тауар нарқы базар бағасынан 10-15 теңгеге арзан. Мұнда Кентау қаласына қарасты ауылдық округтердің шаруақожалықтары өнімдері тұрғындарға ұсынылды.
Шымкентте қала әкімдігінің қолдауымен Түркістан облысымен бірлескен ауыл шаруашылығы жәрмеңкесі жалғасып жатыр. Бұл жолы өз тауарларын Сарыағаш және Ордабасы аудандарының өкілдері алып келді.
Түркістан облысының әкімі Өмірзақ Шөкеевтің бастамасымен Арыс қаласының орталық алаңында жергілікті тұрғындарға арналған ауыл шаруашылығы өнімдерінің жәрмеңкесі өтті. Жәрмеңкеге 50-ге жуық тауар өндіруші, 180 тоннадан астам ауыл шаруашылығы өнімдері қойылды. Өнімдер қала тұрғындарына базар нарқынан 30 пайызға төмен бағада ұсынылды.