Сонымен қатар қалалық Ш.Қалдаяқов атындағы мәдениет сарайында «Алтын күз-2019» атты концерттік бағдарламалар ұйымдастырылды. Салтанатты жиында Кентау қаласының әкімі Дәурен Мақажанов сөз сөйлеп, ауыл шаруашылығы саласының үздіктерін марапаттады. Экономикаға серпін беретін жобалардың арқасында Қаратаудың тәжі аталған шаһарда ауылшаруашылық құрылымдары ағымдағы жылы 47 миллиард теңгенің өнімін өндірді. Биыл 48 мың гектар жерге ауыл шаруашылығы дақылдары егілген болатын. 1400 гектар жер тамшылатып суғару әдісімен игерілді. 22 гектар жылыжайдан өнім алынуда. Қала басшысы Дәурен Сәбитұлы «Елбасы Нұрсұлтан Назарбаев өз жолдауында 2022 жылға дейін еңбек өнімділігін 2 жарым есеге өсіру жаңа инновациялық технологиялармен жаңа әдістерді ендіре отырып жұмыс сапасын арттыруды тапсырған. Сол әдістерді қолдана отырып біз ауылшаруашылығы өнімділігін дамытуымыз керек», — деді.
Кентау қаласындағы ауыл шаруашылығы бойынша өткен жылмен салыстырғанда өндірілген өнім көлемінің барлық түрі артқан.
«AQ-QARA.KZ»-ақпарат.