Бөржар ауыл округінде жыл басынан бері атқарылған жұмыс туралы есеп алған аудан әкімі Әліпбек Өсербаев бұл көрсеткіштерге көңілі толмайтынын жеткізіп, аудандық жұмыспен қамту және әлеуметтік бағдарламалар бөлімінің, жұмыспен қамту орталығының басшыларына ескерту жасады. Ауыл округ әкімі Ербол Алтынбаев жоспарланған құрылыс пен инфрақұрылым жайын да тілге тиек етті. Әліпбек Шәріпбекұлы кемшіліктер мен олқылықтарды саралай келе, мамандардың жауапкершілігін қарауды тапсырды. Сондай-ақ ауыл округі әкімінің жұмысын 9 айдың қорытындысымен қайта бағалайтынын атап өтті.
«AQ-QARA.kz»-ақпарат.