Науқас 6 жасынан бері эпилепсия дертімен ауырып келген. 2014 жылдан бастап ұзақ уақыт ремиссия кезеңі байқалғанымен, жақында қайтадан құрысу ұстамалары пайда болған. Осыған байланысты пациентке тереңдетілген тексеру жүргізіліп, магниттік-резонанстық томография (МРТ) нәтижесінде миының оң жақ маңдай бөлігінде бірнеше сирек патология анықталған.

Атап айтқанда, пациенттен интрацеребралды липома, артериовеноздық мальформация және фокальды кортикальды дисплазия табылған. Мамандардың айтуынша, интрацеребралды липома — барлық ми ісіктерінің шамамен 1 пайызын ғана құрайтын өте сирек патология.

Айта кетейіке Шымкент халқының  86 пайызға жуығы сақтандырылған. 800-ге жуық адам жеңілдік санатына кіреді. Сақтандырылмағандар 186 381-і құрайды. 

Дәрігерлер мұндай бірнеше күрделі диагноздың бір науқаста қатар кездесуі нейрохирургия тәжірибесінде өте сирек жағдай екенін атап өтті. Әсіресе, пациенттің жас болуы жағдайдың маңызын арттыра түскен.

Шамамен 7 сағатқа созылған күрделі операцияны нейрохирург-дәрігер Еркін Медетов жасаған. Ота барысында барлық патология бір мезетте толық алынып тасталды.

Қазіргі таңда пациенттің жағдайы тұрақты. Ол дәрігерлердің тұрақты бақылауында ем қабылдап жатыр.

Мамандардың пікірінше, бұл жағдай отандық нейрохирургия саласындағы жоғары кәсіби деңгей мен күрделі операцияларды сәтті орындау мүмкіндігін көрсететін маңызды медициналық жетістік болып саналады.