Айта кету керек, елде төтенше жағдай жарияланған мерзімнен бастап ҚР Денсаулық сақтау министрлігі тарапынан короновирустың таралуын алдын алу бойынша бекітілген алгоритмге сәйкес жұмыстар атқарылуда. Ал дезинфекция жұмыстарын күшейткен Шымкент қаласының әкімдігі күні кеше әскерилердің күшімен ойын-сауық орталықтары мен қоғамдық орындарды залалсыздандырса, бүгін ауыр жүк көліктерімен көшелерді санитарлық тазалауға кірісті. Жалпы, мегаполистегі 125 көшеге 20 бағыт бойынша 22 техника жұмылдырылып, дезинфекция барысында 208 шақырым қамтылатын болады. Бұл тізімге аялдамаларды залалсыздандыру да енгізілгенін атап өткен жөн. Бұл әрекеттер індеттің алдын алуда өз нәтижесін берері сөзсіз.
«AQ-QARA.KZ»-ақпарат.