2019 жылы жүзеге асырылатын басымды 50 жобаның бірі – қалаға қарасты Жүйнек ауылында құрылған модульді мал сою алаңы. Құны 11 млн. теңге тұратын бекет Алматы қаласынан әкелінген. Шаруақожалығының атауы – «НұрФархат». 

2025 жылға қарай Жетісай ауданында жолдардың 90 пайызы жақсы жағдайда болады. Сол межені бағындыру үшін ауданда көлік дәліздерін жөндеу жұмыстары қазірдің өзінде қызу жүргізіліп жатыр. 

Бүгін Қазақстан Республикасы Кәсіподақтар федерациясының төрағасы Бақытжан Жарылқасынұлы Әбдірайым бастаған түрлі кәсіподақ ұйымының төрағалары Арыс қаласындағы бұқараның тұрмыс жағдайымен танысу мақсатында арнайы ат басын бұрды. Сапар барысында Федерация төрағасы Б.Әбдірайым шаһарға тарту ретінде Арыс қаласының кіре беріс қақпасына қаланың төлқұжатын сипаттайтын құны 30,0 млн. теңгені құрайтын арнайы арка құрылысын жүргізу мақсатында аталған нысанның капсула қою рәсіміне қатысып, іргетасын қалады. 

ҚАДІРЛІ ҚАУЫМ!

Баршаңызды мұсылман қауымы үшін ең ұлық Құрбан айт мерекесімен құттықтаймын! Құрбан айт – адамдардың бір-біріне деген мейірімін оятатын, көмекке мұқтаж жандардың қажетін өтеуге мүмкіндік туғызар маңызды мереке. 

“12-тамыз – Спортшылар күні” мерекесі қарсаңында шардаралық спортшылар марапатталды.Аудан әкімі Қайрат Жолдыбайұлы шәкірттерін жеңіс тұғырына жетелеп жүрген ардагер спортшылар мен жаттықтырушыларды марапаттап, сый-сияпат жасады. 

Бүгінде облыс әкімдіктері мен еліміздің ірі компаниялары Түркістан қаласын түлету жолында күндіз-түні еңбек  етуде. Солардың бірі – «Самұрық-Қазына» ұлттық әл-ауқат қоры» АҚ. Аталған компания киелі шаһарда 5 ғимараттың құрылысын жүргізуде. Осыған орай Түркістанға «Самұрық-Қазына» ұлттық әл-ауқат қоры» АҚ басқарма төрағасы Ахметжан Есімов арнайы келіп, құрылыс барысымен танысты.

Болат Өтемұратов қоры, Қазақстанның «Қызыл Ай» қоғамы мен ForteBank-тің «Көмек картасы» бірлескен жобасының шеңберінде Арыс қаласының 2 мыңға жуық тұрғыны қаржылай көмекке ие болды. Бөлінген ақшаға құрылыс материалдарын сатып алуға, шаруашылық тауарларын түгендеуге және киім-кешекті бүтіндеуге беріліп отыр.

Түркістан облысында жоғары оқу орнын үздік бітірген түлектерді жұмысқа орналастыру, оның ішінде мемлекеттік қызметке шақыру мақсатында екі күндік «Алтын қор» жастардың кадрлық резервін дайындау шарасы өтуде. Аталған жоба қазіргі таңда дәстүрге айналып, 4 рет ұйымдастырылып отыр. 

Арыс қаласындағы бір қатар әлеуметтік нысандардың қайта жөндеу жұмыстарын ұлттық қор қаржыландыруда. Мәселен, бүгінгі таңда бөлінген ақша тиімді жұмсалып,  мектеп, балабақша, аурухана және теміржол вокзалы жаңалану үстінде. Жауапты мердігер компаниялар тірлікті берілген мерзімде аяқтайтындарына сенімді.  Осындай ауқымды істің қалай жүріп жатқанын көру үшін «Самұрық-Қазына» ұлттық әл-ауқат қоры» АҚ басқармасының төрағасы Ахметжан Есімов Арыс қаласына арнайы келді.

Құқықтық статистика органдары мемлекеттік қызметтің 4 түрін көрсетеді. Олар соттылығы туралы анықтама, әкімшілік құқықбұзушылық туралы анықтама, мұрағаттық анықтама және прокуратура органдарынан шығатын ресми құжаттарға апостиль қою. Бұл қызметтердің 3 түрін «электрондық үкімет» www.egov.kz веб-порталы арқылы алуға болады. Яғни сіз қызметті үйден шықпай-ақ электронды-сандық қолтаңба арқылы онлайн тапсырыс бере аласыз. Бұл туралы Түркістан облысы Өңірлік коммуникациялар қызметінде өткен брифингте ҚР Бас прокуратурасының Құқықтық статистика және арнайы есепке алу жөніндегі комитетінің Түркістан облысы бойынша басқармасының қылмыстық саладағы құқықтық ақпараттық қалыптастыру бөлімінің аға прокуроры Мұқаш Ошаев мәлімдеді.