Әділетті Қазақстанды құру - әрқайсымызға байланысты
Шымкентте әлеуметтік әлсіз топтар үшін 400 АЕК көлеміндегі қайтарымсыз гранттар биыл жоспардан артық орындалды
Шымкент қаласында биыл әлеуметтік қолдау және жұмыспен қамту шаралары бойынша елеулі өзгерістер мен жетістіктер орын алды. Қалада жұмыспен қамту шараларын нақты көрсеткіштер мен мақсаттарға сай жүзеге асырылуда.
Шымкентте жұмыспен қамту бағдарламалары тиімді жүзеге асырылады
Өңірлік коммуникациялар қызметі алаңында «Шымкент қаласы жұмыспен қамту және әлеуметтік қорғау басқармасының 2024 жылдың I жартыжылдығында атқарылған жұмыс қорытындылары» тақырыбында баспасөз конференциясы өтті. Жиында Шымкент қаласының жұмыспен қамту және әлеуметтік қорғау басқармасының басшысы - Утебаева Жанат Өмірсейітқызы қаладағы жұмыспен қамту шараларының нәтижелері мен болашақ жоспарлары туралы ақпарат берді.
Шымкентте тұрғын үйлерді қаржылық қолдау: «Қамқор» бағдарламасы жаңа мүмкіндіктер ұсынады
Өңірлік коммуникациялар қызметінің алаңында «Шымкент қаласы тұрғын үй басқармасының 2024 жылдың I жартыжылдығында атқарылған жұмыс қорытындылары туралы» тақырыбында баспасөз конференциясы өтті. Басқарма басшысы атқарылған жұмыстар мен жоспарланған жобалар туралы толық ақпарат беріп, тұрғындардың тұрғын үй жағдайларын жақсартуға бағытталған шараларды түсіндірді.
Шымкент қаласында тұрғын үй мәселесін шешу мақсатында жүзеге асырылып жатқан Қамқор өңірлік бағдарламасы аясында маңызды қаржылық қолдау шаралары қабылданды. Биылғы жылы жергілікті бюджеттен 5 миллиард теңге және «Отбасы банк» АҚ-нан 3 миллиард теңге бөлініп, жалпы 8 миллиард теңге көлеміндегі қаражат тұрғын үй несиелендіру мен қолдау шараларына бағытталған.
Қамқор бағдарламасының негізгі шарттары:
• Несиенің ең жоғары мөлшерлемесі – 20 миллион теңгеге дейін;
• Пайыздық мөлшерлеме – 6%;
• Бастапқы жарна – 10%-дан кем емес;
• Несиенің максималды мерзімі – 25 жыл.
Тұрғын үй тек бастапқы нарықтан ғана алуға мүмкіндік беріледі.
Бағдарламаға журналистер мен БАҚ қызметкерлері, денсаулық сақтау, білім беру, мәдениет, спорт, коммуналдық сала мамандары, және мемлекеттік мекемелер қызметкерлері қатыса алады.
2024 жылы бағдарламаның аясында 400-ден кем емес отбасы тұрғын үй несиелерімен қамтамасыз етіледі. Бұдан бөлек, 200 млн. теңгеге қайтарымсыз тұрғын үй сертификаттары берілуде. Ағымдағы жылдың 22 қаңтарынан бастап құжаттар қабылдануда және 218 азаматқа 199,9 млн. теңге көлемінде сертификаттар берілді. Екінші жартыжылдықта тағы 300 млн. теңге бөлініп, қосымша сертификаттар беріледі.
Бүгінгі таңда 60 азаматқа қайтарымсыз сертификаттар табысталды. Қамқор бағдарламасы арқылы тұрғын үй алу мүмкіндіктері мен қолдау шаралары қала тұрғындарының әл-ауқатын арттыруға бағытталған және олардың тұрғын үй жағдайларын жақсартуға үлкен септігін тигізеді.