Өнімі сұранысқа ие кәсіпорынның бірі «Береке» тәтті нан өнімдері.  Аудан орталығында орналасқан кондитер цехында тәтті нанның сан түрі шығады. 2008-ші жылдан бері жұмыс істеп келе жатқан  цехта 20 адам жұмыспен қамтылған. Орташа айлық 100 мың теңге көлемінде. «Осы «Береке» тәтті нан цехында 5 жылдан бері жұмыс істеймін. Осы жерде көріп тұрғандай тәтті нан шығарамыз. Бір күнде 5 тоннаға жуық тәтті нан шығарамыз. Әр түрлі торттар, бәліштер. Нанның 30-40 түрі бар. Булочка.лепешка, торттың түрлері көп. Сұраныс жақсы» - дейді аталмыш кәсіпорынның аспаз-кондитері наргиза Дастурбаева.

Ақсукенттегі нан орталығына келіп арнайы  тапсырыс беруге де болады.   Кондитер цехының тұрақты тұтынушысы  Гүлшара Үсіпбекте бұл жолы құдалыққа арналған нан тоғыз жасатты. «Магазин берекелді, құда-жегжатқа нан тоғызды дайын етіп тұрады. Магазиніміз берекелі-мерекелі болып тұра берсін. Нандары өте дәмді, тәтті. Рахмет жігіттерге, қыздарға» - дейді ол.

Сайрамдағы бюджетке   келіп түсетін салық төлемдерінің  80 пайызы  өнеркәсіп саласынан келеді. Өткен жылы ауданда  9 млрд теңгенің өнімі өндірілген болса, оның  45 пайызы тамақ өнеркәсібінің еншісінде. Халқы еңбекқор ауданда шағын және орта бизнес саласы қарқынды дамуда деп айтуға болады.  

«AQ-QARA-KZ» - ақпарат»