Келес ауданы ежелгі Ұлы жібек жолы бойында орналасқан, климаты тұт шарушылығына өте қолайлы аймақ. Сол себепті Келес даласында тұт шарушылығын дамытуды қолға алған ғалым Бердияр Есбатырұлы бүкіл облыс аумағын тұт көшетімен қамтамасыз етуді жоспарлап отыр. Тұт ағашы өте әдемі, бойы 12-18 метрге дейін жететін, көлеңкесі қою өсімдік түрі болып табылады. Орта есеппен 70-80 жыл өмір сүреді. Тұт ағашының өнімі неше түрлі ауру-сырқауларға, сондай-ақ қан қысымымен ауыратын адамдарға пайдалы. Сондай-ақ келестік ғалым Келес өңірінде жібек шарушылығын да дамытпақшы. Жібек өндірісі – әлемдегі ең табысты кәсіптердің бірі. Жібек талшығы жібек құртынан алынады. Ал жібек құртының негізгі азығы – тұт ағашы. Тарихқа сүйенсек, Келес ауданында кеңес дәуірінде тұрғындар жібек шарушылығын кеңінен дамытқан. Сол ескі шарушылықты бүгінгі күннің жаңа технологиясымен өркендету үшін ауданда тұт шаруашылығы жолға қойылмақшы.
«AQ-QARA.kz»-ақпарат.