Бүгінгінің өзінде аталған нысандардағы құрылыс жұмыстарының 50 пайызға жуығы еңсерілсе, ағымдағы жылдың шілде айында ел игілігіне толық берілмек.
Жаңадан айналымға қосылатын 1115 гектар суармалы жердің 123,2 гектары Шақпақ, 555 гектары Жабағылы, ал 437 гектары Кемербастау ауылдық окруктерінің аумағында орналасқан.
Су шаруашылығы мамандарының айтуынша, суармалы жерлерді ағынды сумен жабық темір құбыр арқылы қамтамасыз ету, темір бетонды каналға қарағанда 3 есе артық тиімді екен.
Айта кетейік, аймақта еліміздегі төтенше жағдайға байланысты  карантин жарияланған болатын. Бірақ, соған қарамастан аймақта егістік жұмыстары, ауылшаруашылығы, малшаруашылығы, құрылыс жұмыстары тоқтамайды. Және кейбір кәсіпорындар өз жұмыстарын жалғастырып жатыр.

 «AQ-QARA.KZ»-ақпарат.