Шымкент қаласының 2018-2020 жылдарға арналған бюджеті екіге бөлінді. Бюджеттің кірістері мен шығыстары 7 айға жоспарланып, қалған айдағы жоспарлы қаржылары қысқартылды. Нәтижесінде 1 қаңтар мен 17 шілде аралығындағы бюджет 92 миллиардтеңгені құрады.
Сонымен қатар республикалық қала деңгейіндегі 2018-2020 жылдарға арналған бюджеті қалыптасты. 17шілдеден жыл соңына дейінгі бюджеттің екінші бөлігі 50 миллиардтеңгені құрайтын болды. Мұнан өзге сессияда депутаттар жаңадан құрылған 8 басқарманың қызметін қамтамасыз етуге қажетті қаржыларды бөлді.
Депутаттар кезектен тыс 35-сессия барысында «Бизнес Шымкент» өңірлік үйлестіру кеңесін құруға келесімдерін берді. Кәсіпкерлерді қолдау аясында пайыздық мөлшерлемелерді субсидиялауға 300 миллионтеңге бөлуді бірауыздан қолдады.
Еске салайық, қала бюджетінің кірістері 72,1 миллиард теңге, ал субвенция 13,4 миллиард теңге көлемінде болады деп болжанып отыр. Алдын ала есептеулерге сәйкес, Шымкент қаласының жергілікті бюджеті 2025 жылға дейін субвенциялық болып қала береді. Ал қала әкімдігіндегі қызметкерлерге қатысты штаттар229 бірлікке өспек.
«AQ-QARA.KZ»-ақпарат.