Байқаудың басты мақсаты – бала бойында ұлттық тәлім-тәрбиенің негізін қалыптастырып, мұғалімдердің біліктілігін арттыру. Байқауға қатысуға 610 мұғалім мен 1094 оқушыдан өтініш түскен. Сайыстың алғашқы кезеңі қазанның 28-і мен 31-і аралығында өтеді. Ол кезде Шымкент қаласына қарасты 4 ауданнан үздіктер анықталады. Қазылар алқасының сынынан сүрінбей өткен оқушылар ақтық кезеңде бақ сынасады.

Жоба жетекшісі Нұрдәулет Кенжебай: «Аудандық кезеңде жырды жаттау мәнеріне және жырдың арасында кездесетін көнерген сөздің мәнін ашып, қойылған сұрақтарға жауап беруі тиіс. Бұл шара республика аумағында ұйымдастырылып жатыр. Біздің қалада 3-ші өтетін болады» - дейді. Байқау 10 балдық жүйемен бағаланады. Негізгі үш кезеңнен тұрады. Бірінші кезең – жырдан сайыс. Бірі бастаған жырды екіншісі мүдірмей сол жерден жалғап кетуі керек. Жырда кездесетін жер-су атауларына, көнерген сөздердің мән-мағынасын ашу бойынша сынға түседі. Ақтық сында қаладағы 4 ауданнан 12 оқушы қатысады.

«AQ-QARA.KZ»-ақпарат.