Бас миындағы үш патологияға бір сәтті ота. Шымкент қалалық №2 ауруханасының нейрохирургтары медицинада сирек кездесетін аса күрделі жағдай бойынша жоғары технологиялық операцияны сәтті өткізді. Дәрігерлер 24 жастағы пациенттің бас миындағы бірден үш ауыр патологияны бір операция барысында алып тастап, оның өміріне төнген қауіпті сейілтті. Медициналық көмек МӘМС есебінен көрсетілген.
Қазақ халқының даңқты перзенті, алып күш иесі, әлемге әйгілі балуан Қажымұқан Мұңайтпасұлының туғанына 155 жыл толуына орай Ордабасы ауданында ересектер арасында қазақ күресінен республикалық турнир жоғары деңгейде өтті.
Жыл басынан бері Шымкентте әл-ауқаты дағдарыстық және шұғыл жағдайдағы 50 мыңға жуық адам МӘМС жүйесінде сақтандырылды. Әлеуметтік тұрғыдан әлсіз D және E санатындағы азаматтар медициналық көмекке жүгінген жағдайда, олардың сақтандыру жарнасын жергілікті әкімдік төлеуде. Аталған санаттарға өмірлік қиын жағдайға ұшыраған, тұрақты табыс көзі жоқ, жұмыссыз және соңғы айларда зейнетақы жарналары төленбеген азаматтар кіреді.
Өзбекстан Республикасына жасаған жұмыс сапары аясында Түркістан облысының әкімі Нұралхан Көшеров Ташкент облысының хокимі Зойир Мирзаевпен бірге өңірдегі стратегиялық маңызы бар бірқатар нысандарды аралап, өнеркәсіп, жоғары технологиялар, шикізатты өңдеу және туристік инфрақұрылымды дамыту салаларындағы озық тәжірибелермен танысты.
Шымкент қаласындағы дендрологиялық саябақта Балаларды қорғау күніне орай «Инклюзивті жүгіріс – 2026» іс-шарасы ұйымдастырылды. «Arman Alemi» кедергісіз қозғалыс қауымдастығының бастамасымен өткен шара ерекше білім беру қажеттіліктері бар балалар мен олардың отбасыларын қолдауға бағытталды.
Өңіраралық қатынастарды нығайту жөніндегі Президент тапсырмасы аясында Түркістан облысының әкімі Нұралхан Көшеров Өзбекстан Республикасы, Ташкент облысының әкімі Зойир Мирзаевпен бауырластық туралы меморандумға қол қойды. Бұл құжат – өңіраралық қатынастарды дамытуда, сауда-экономикалық байланыстарды кеңейтуде, мәдени-гуманитарлық ынтымақтастықты нығайтуда және бірлескен инвестициялық жобаларды іске асыруда маңызды қадам.
Өзбекстан Республикасының Ташкент облысында Түркістан және Ташкент облыстары кәсіпкерлерінің қатысуымен «Шекарасыз ынтымақтастық» тақырыбындағы халықаралық бизнес-форум өз жұмысын бастады. Ауқымды іс-шараға Түркістан облысының әкімі Нұралхан Көшеров бастаған ресми және бизнес-делегация қатысып, өңіраралық сауда-экономикалық, инвестициялық және туристік ынтымақтастықты нығайту мәселелері жан-жақты талқыланды. Маңызды іскерлік диалог алаңынада екі өңірден 200-ге жуық кәсіпкер мен инвестор бас қосты.
Арыс қаласында халықаралық деңгейдегі жетекші серіктес – француздық Alstom компаниясының электровоздарға арналған жаңа сервистік депосының құрылысы жүргізілуде. Жоба қаланың маңызды теміржол торабы ретіндегі стратегиялық әлеуетін арттырып, өңірдегі көлік-логистика саласының дамуына серпін береді.
Бақша өнімдерін жинау науқаны қызу жүрім жатқан Жетісай ауданында алғашқы қарбыздар еліміздің ірі қалалары мен көршілес Ресей Федерациясының сауда нарығына жол тартуда. Қазіргі таңда егістік алқаптарынан бір аптаның ішінде 200 тоннадан астам қарбыз жиналып, тұтынушыларға жеткізілген. Ерте піскен өнімге сұраныс та жоғары. Бұл өз кезегінде шаруалардың табысын арттырып қана қоймай, ауданның ауыл шаруашылығы саласындағы әлеуетін айқындай түсуде.
Шымкентте мейірім мен қамқорлыққа негізделген игі бастамалар жалғасып келеді. Қалада ерекше қажеттілігі бар балалардың өмір сапасын жақсартуға, олардың қоғаммен етене араласуына және жан-жақты дамуына бағытталған жаңа әлеуметтік нысан – «Балауса» балаларға арналған №11 арнаулы әлеуметтік қызметтер көрсету орталығы жұмысын бастады.