Мемлекет басшысының тапсырмасымен елімізде «Жайлы мектеп» жобасы жүзеге асырылып жатқаны белгілі. Оның ішінде Шымкент қаласында осы ұлттық жоба аясында 18 мектеп салу жоспарланған. Бұл бір ауысымда – 28 мың, ал екі ауысымда 56 мың жаңа оқушыны білім беру процесімен қамтуға мүмкіндік береді.

Шымкент қалалық №3 аурухананың дәрігерлері жүйке жүйесі ауруынан жүре алмай қалған 74 жастағы науқасты аяққа тұрғызды. Зейнеткер ауыр дерттің салдарынан қайта сауығудан күдер үзген. Үздіксіз емнің нәтижесі ақ халатты жандар мен қарияның ортақ жеңісі болып отыр.

Шымкент қаласының кәсіпкерлер палатасында туризм салалық кеңесінің отырысы өтті. Онда туризмге байланысты бірқатар мәселелер талқыланды. Жиынға Палата қызметкерлері, туризм, сыртқы байланыстар және креативті индустрия басқармасының басшысы, кәсіпкерлер қатысты.

Қалалық әкімдік өкілдері Шымкенттің туристік әлеуеті жоғары екеніне тоқталды.

«Шымкент қаласына соңғы 3 айда 112 мыңға жуық турист келген, оның ішінде 104 мың адам – ішкі турист болса, 7 мыңнан астамы – шетел азаматтары. Қаламызда туризмге қатысты жалпы құны 7 млрд теңге болатын 8 инвестициалық жоба жүзеге асырылып жатыр. 2026 жылы 5 жұлдызды қонақ үй пайдалануға беріледі деп күтілуде. Мұның барлығы Шымкенттің туристік тартымдылығы жоғары екенін білдіреді. Осы орайда туризм саласындағы кәсіпкерлерді бірге жұмыс істеуге шақырамыз», – деді Шымкент қаласының туризм, сыртқы байланыстар және креативті индустрия басқармасының басшысы Бексұлтан Әділханов.

Жиында кәсіпкерлер саябақтарға көпшілік тамақтану орындарын орнату бойынша ұсыныстарын жеткізді. Айтуларынша, қыдырып жүрген азаматтар, оның ішінде шетелдік туристер тамақтану орындарын іздейді әрі жергілікті шеберлердің қолөнер бұйымдарын сатып алуды қалайды.

Бұл ұсынысқа Шымкент қалалық жайлы ортаны дамыту басқармасының өкілдері ерекше қорғалатын табиғат аймақтары туралы заңға сәйкес, мысалы, дендросаябақ ерекше қорғауға жататынын айтты. Тамақтану орындарын саябақтардың ішінде емес, тек аумағының сыртында, көлік тұрағында орналастыруға болады дейді басқарма өкілі. Оның ішінде тек белгілі бір өнімдерді ғана сатуға рұқсат етіледі.

Дегенмен, кәсіпкерлерге кейбір саябақтардағы белгілі орындарға дайын өнімдер сатуды ұйымдастыру үшін өздерінің концепцияларын әзірлеп, ұсыныстарын тиісті басқармаға жазбаша жеткізуге болатыны түсіндірілді.

Бұған қоса Шымкентте креативті индустрия саласы да дамып келеді. Туризм, сыртқы байланыстар және креативті индустрия басқармасы қалалық креативті индустрия қауымдастығымен бірге Арбат демалыс аймағында жәрмеңке өткізуді қолға алған. Бұған дейін әр сенбі күні пилоттық деңгейде өткізілген жоба 3 тамыз күні ресми түрде ашылмақ. Жәрмеңкеде қолөнер бұйымдары сатылып қана қоймай, шеберлік сабақтары өткізіледі деп күтілуде. Басқарма басшысы алдағы уақытта қалада креативті хаб ашу да жоспарда бар екенін айтты.

Кеңес отырысында қала аумағындағы санитарлық-гигиеналық нүктелер жайы да талқыланды. Кәсіпкерлер бұл мәселенің аса маңызды, туристерді алып жүруге ескеретін жағдай екенін жеткізді.

«Қала аумағында 50-ге жуық дәретхана бар. 13-і – парктерде, 37-сі – жолдардың бойында. Олардың жағдайына мониторинг жасалды, алдағы уақытта қолға алынып, мұндай нүктелер жаңартылады. Осы тұста айта кетерім, қалалық әкімдік тарапынан дәретхананы ұстап-күтуші заңды тұлғаларға ай сайын субсидия беріледі. Бірақ, өтінім берген кәсіпкер аз. Сонымен қатар, саябақтардағы, туристер көп жүретін көпшілік орындардағы ретсіз саудамен күрес те қолға алынуда», – деді қалалық туризм, сыртқы байланыстар және креативті индустрия басқармасының басшысы Бексұлтан Әділханов.

Жиын барысында, сонымен қатар, ешқандай органда тіркелмей, заңсыз жұмыс істейтін гидтермен күрес мәселесі де талқыланды. Жауапты мамандар ондай гидтер анықталған жағдайда полицияға хабар беруді ұсынып, алдағы уақытта тіркелген гидтер тізімі жаңартылатынын жеткізді.

«Қазақстандық туризм индустриясы» республикалық қауымдастығы» ЗТжЖК бірлестігінің өкілі Ромэлла Пак жаңадан ашылып жатқан туристік агенттік иелеріне құжат алмастыру, бухгалтерияны дұрыс жүргізуді оқытуды жөн деп санайды. Айтуынша, себебі, бухгалтерлік есептердің дұрыс жүрмеуіне байланысты көптеген туристік агенттіктер жабылып, банкротқа ұшырауда. Сонымен қатар туристік операторлар мен туристік агенттіктер арасында түсініспеушіліктер бар екенін жеткізді. Осыған байланысты 5 тамыз күні туристік операторлар мен агенттіктер кездесуін ұйымдастыру туралы келісілді.

Шымкент қаласының кәсіпкерлер палатасында онлайн-сауда платформасын меңгеру бойынша вебинар-курс ұйымдастырылды.

Онда шағын кәсіпкерлер Wildberries маркетплейсінде сауда-саттық жүргізу туралы біліктілік арттырды.

Алдымен кәсіпкерлер палатасы директорының орынбасары Мақсат Өткелбаев елімізде жүзеге асырылып жатқан «Бір ауыл – бір өнім» жобасы туралы қысқаша мәлімет беріп өтті.

«Бір ауыл – бір өнім» жобасы ХХ ғасырдың 70-жылдары Жапонияда басталған. Мұндағы мақсат – бір елдімекен немесе бір кәсіпкердің бәсекеге қабілетті, белгілі бір өнім өндіріп, нарыққа шығаруы. Осылайша бизнеске айналатын өнім арқылы кірісті арттырып, экономикалық әлеуетті көтеру көзделеді. Қазіргі таңда бұл жоба әлемнің 30-дан астам елінде жүзеге асырылуда. Оның ішінде Қазақстан да бар. Ұлттық экономика министрлігінің қолдауымен 2023 жылдан бері жүзеге асырылып жатқан жобаның орындаушысы – «Атамекен» ҰКП. Оған жергілікті әкімдік пен іскер әйелдер кеңестері қолдау көрсетіп отыр. Бұған дейін қаламызда «Бір ауыл – бір өнім» жобасының арнайы жәрмеңкесін де өткіздік. Алдағы уақытта да көрме ұйымдастыруды жоспарлап отырмыз», – деді Мақсат Дүйсенбекұлы.

Палата директорының орынбасары осылайша жиналған кәсіпкерлерді осы жобаға белсене қатысуға шақырып, Палата тарапынан барынша қолдау көрсетілетінін айтты. Мұндағы ортақ мақсат – белгілі бір елдімекендегі шағын кәсіпкерлердің ісін дамытып, адами капиталды, іскерлік қабілетті дамыту, жергілікті өнімдердің сапасын арттыру.

Вебинардың негізгі бөлігінде Wildberries платформасында сауда-саттық жүргізуге қатысты дәріс оқылды. Маркетплейстің кәсіпкерлерді қолдау және дамыту орталығының өкілі Милана Гугунишвили осы онлайн сауда платформасына қалай тіркеліп, кабинет ашу, тауарлар мен өнімдерді жариялау туралы нақты нұсқаулықтар берді.

Вебинарға қатысқан кәсіпкерлер өздеріне пайдалы ақпарат алып, қосымша сұрақтарына мамандардың жауабын алды. Маркетплейсте осы уақытқа дейін жұмыс істеп жүрген кәсіпкерлер саудасын одан әрі дамыту туралы нақты мәліметтерге қол жеткізді.

Шымкент қаласында елді мекендерді сапалы интернетпен қамтамасыз ету жұмыстары белсенді түрде жүргізілуде. Қалалық цифрландыру басқармасының қолдауымен және жеке инвестор FISHNET компаниясының қатысуымен Самал-2, Наурыз шағынаудандары талшықты оптикалық интернет желісімен қамтылды.

Абай ауданы аумағында жалпы 27 елді мекенде 55 159 үй,  205 көп қабатты тұрғын үйде 257,7 мың халық орналасқан. Сонымен қатар, 1274 көшемен 230 әлеуметтік нысандар бар. Бұл туралы бүгін Өңірлік коммуникациялар қызметі алаңында өткен баспасөз конференциясында Абай ауданы әкімінің орынбасары Асылбекова Гүлнұр Нұрбекқызы баяндады. 

Бүгінгі таңда ауданды инфрақұрылым жүйелерімен қамту көрсеткіші келесідей: 

- Ауыз су - 100% қамтылған;

- Электр жарығымен - 100% 

- Табиғи газбен 23 елді мекен қамтылған ол 85,2% құрайды. Қамтылмаған елді мекендер саны – 4, ол 14,8% құрап отыр.

- Анықтама үшін: 

- Бүгінгі таңда 3 елді мекенде құрылыс жұмыстары жүргізілуде. Атап айтқанда, Қайнарбұлақ тұрғын алабы-70%, Қайнарбұлақ саяжайы-50%, Ынтымақ-2 шағын ауданы - 56% құрылысы аяқталған.

- Тәуелсіздікке 20 жыл тұрғын алабына ЖСҚ әзірленіп, мемлекеттік сараптамадан оң қорытынды алынған. Құрылыс жұмыстары 2025 жылға жоспарланған.

Абай ауданында 27 елді мекеннің бүгінгі таңда 7 елді мекені кәріз жүйесімен қамтылған. 2023 жылы 5 нысанда құрылыс жұмыстары жүргізілуде. 

2025 жылға 8 нысанға құрылыс жұмыстарын бастау жоспарлануда. Атап айтқанда: Жайлау, Қатын көпір, Тельман, Ақниет,  Қызылжар, Жиделі, Батыс, Ынтымақ.

Нәтижесінде 2025 жылы Абай ауданында кәріз жүйесімен қамту көрсеткіші 18 пайыздан 55,5 пайызға дейін өседі. 

Ал, аудан аумағындағы көшелер саны – 1274 және ол 1080,1 шақырымды құрайды, атап айтқанда:

  - асфальт жол - 573 шақырым (48,5%);

- тас жол – 450,2  шақырым (25,7%);

- топырақ жолдар –57 шақырым (2,8%) 

Асфалт мәселесі 2023 жылы 3,1 млрд.тг  57 көшеге 68,2 шқ асфальт төсеу жұмыстары жүргізілген.   2024 жылы 4,3 млрд.тг  74 көшеге 60,1 шқ асфальт төсеу жұмыстары жүргізілуде.

Қала әкімінің тапсырмасына сәйкес, 2024 жылы жарықтандырылған көшелердің үлесін арттыру мақсатында 86 көшеге бюджеттік өтінім беріліп, 500,0 млн.тг қаржы қаралған.

Халық қатысатын бюджет 2023 жылы  376,5 млн.тг 13 жоба  іске асырылған. Оның ішінде: 10 – балалар алаңшасының (Бозарық, Асар, Достық, Қызылжар, Тұрлан, Нұршуақ) құрылыс жұмыстары басталып, бүгінгі таңда 10 балалар алаңшасының құрылыс аяқталып, пайдалануға берілген.

3 – спорт алаңша (Асар, Достық, Қайнарбұлақ) құрылыс жұмыстары  жүргізіліп, аяқталды.

2024 жылы 491,2 млн.тг 22 жоба іске асырылуда. Оның ішінде 20 балалар алаңшасы және 2 спорт алаңшасы. 

Халық қатысатын бюджет жобасы аясында 22 жоба оның ішінде, 20 балалар алаңшасы және 2 спрот алаңшасы салу жоспарланған. 

Сонымен қатар, 15 мың шаршы метрге 22 көшеге, 15 шақырым аяқ жол салуға – 200 млн.тг, бөлініп, құрылыс жұмыстары жүргізілуде. 

Аудан аумағына 20 қоқыс алаңшасын  орнату және орталық көшелерге 200 дана қоқыс жәшіктерін орнатуға – 66,3 млн.тг, бөлініп, құрылыс жұмыстары жүргізілуде. 

Бұл туралы бүгін Өңірлік коммуникациялар қызметі алаңында Қаратау ауданы әкімінің міндетін атқарушы Бекназаров Ерлан Нұрланұлы баяндады.

Қаратау ауданының аумағы 19 500 гектар, халық саны 213 мыңнан астам. Аудан аумағында 18 елді мекен. Көшелер саны – 595, жеке тұрғын үйлер саны – 29 762, көп қабатты үйлер саны – 603, ал демалыс орындарының саны – 11. Бұл туралы бүгін Өңірлік коммуникациялар қызметі алаңында Қаратау ауданы әкімінің міндетін атқарушы Бекназаров Ерлан Нұрланұлы баяндады.

Бүгінде ауыз сумен қамту көрсеткіші 98 %. Сайрам, Қызылсу тұрғын алаптары және Бозарық саяжайының жаңақұрылыс аумағы ауыз сумен қамтуды қажет етеді. 2023 жылы Сайрам, Қызылсу және Бозарық елді мекенінің жаңақұрылыс аумағында ауыз су жүйесінің құрылыс жұмыстары басталған. Жұмыстар жылдың соңында аяқталады. Бұл жұмыстардың аяқталуына орай, ауыз сумен қамту көрсеткіші 100 % құрайды.

Электр жарығымен қамту көрсеткіші 98 %. Бозарық саяжайы мен Сайрам тұрғын алабының жаңақұрылыс аумақтары электр жарығымен қамтуды қажет етеді. 2023 жылы Бозарық саяжайының жаңақұрылыс аумағына электр жарығының құрылыс жұмыстары басталған. Қазіргі таңда, аталған аумақта абоненттеу жұмыстары атқарылуда. Одан бөлек, Сайрам тұрғын алабы мен Қайтпас шағынауданының жаңақұрылыс аумағын электр жарығымен қамту жұмыстары басталды. Жұмыстардың аяқталуына орай, қамту көрсеткіші 100 % құрайды.

Қазіргі таңда ауданды  табиғи газбен қамту көрсеткіші 96 % құрайды. Қамтуды қажет ететін елді мекендер: Тассай, Бозарық, Таскен, Қызылсу, Шапырашты, Өтеміс, Достық, Мәртөбе, Мирас елді мекендерінің жаңақұрылыс аумақтары. 

Тассай тұрғын алабы, Бозарық саяжайы жаңқұрылыс аумағын табиғи газбен қамту жұмыстары жүруде.  Жұмыстарды 2024 жылдың III тоқсанына дейін аяқтау жоспарланған.  Аталған жұмыстардың аяқталуына орай, табиғи газбен қамту көрсеткіші 98 % болады. 

Қалған елді мекендердің жаңақұрылыс аумақтарын табиғи газбен қамту 2025 жылдың жоспарына енгізілген.

Ал аудан аумағындағы аулаларды абаттандыру жұмыстары  бойынша: Аудан аумағында 603 көп қабатты үй 210 аулаға біріктірілген. 210 ауланың 189 ауласы абаттандырылған. 2024 жылы халық қатысатын бюджет жобасы аясында ағымдағы жылы 21 балалар ойын алаңы (көп қабатты үй аумағында 5 аула) мен 9 ашық спорт алаңшасын салу жоспарланған. 2025 жылдың соңына дейін көп қабатты үй аулаларын 100 % абаттандыру жоспарда.

Шымкент қаласындағы «Достық үйінде» қалалық Қазақстан халқы Ассамблеясы жанындағы медиация кеңесінің ұйымдастыруымен 5 тамыз – Медиация күні қарсаңында Ашық есік күні өтті.

Шымкентте заңсыз берілген жер учаскелерін коммуналдық меншікке қайтару үшін күрес жалғасуда.  Қаланың мамандандырылған ауданаралық экономикалық соты "Қиял әлемі" ірі паркіне қатысты шешім қабылдады. Бұрын "Әйгерім" ЖШС-не ұзақ мерзімді жалға берілген бес гектарға жуық жер коммуналдық меншікке қайтарылды.