Шымкентте қазақ күресінен Есіркеп Батырды еске алуға арналған жасөспірімдер арасында халықаралық турнир өтті. Жарысқа бес мемлекеттің жас балуандары қатысып өз ара мықтыны анықтады.

Шымкент қаласының әкімі Ерлан Айтаханов қаладағы бірнеше шалғай жатқан аудандарды аралады. Соның бірі Қаратау ауданындағы «Әдия» тұрғын үй кешені болды.

«Асар-2» шағынауданына барған Шымкент қаласының әкімі Ерлан Айтаханов осылай деді. Аталған ауданның тұрғындарымен кездескен шаһар басшысы бірнеше мәселелерді өз көзімен көріп, халықпен сұхбаттасты.  Сапалы ауыз су, табиғи газ, электр жарығы және жол мәселесін көтерген тұрғындар бұл проблемалардың ұзақ жылдар бойы шешілмей жатқандығы жөнінде назын айтты. Өз кезегінде Ерлан Қуанышұлы аталмыш проблемалармен құлағдар екенін айтып, тұрғындармен жеке кездесу үшін арнайы келгендігін жеткізді.

Мемлекет басшысы Қазақстан халқына арнаған Жолдауында азаматтардың барлық сындарлы өтініш-тілектерін жедел әрі тиімді қарастыратын «Халық үніне құлақ асатын мемлекет» тұжырымдамасын іске асыруды тапсырған болатын. Осыған байланысты Қазақстан Республикасының Сыбайлас жемқорлыққа қарсы іс-қимыл агенттігінің Шымкент қаласы бойынша департаменті мемлекеттік мекемелермен бірлесіп, «Open Space» форматына көшіру және басшылар кабинеттерін әкімшілік ғимараттардың бірінші қабаттарына ауыстыру бойынша жұмыс жүргізуді бастады. 

Шымкент қаласында "Рухани жаңғыру" бағдарламасы және ұлы ақын Абай Құнанбайұлының 175 жылдық мерейтойы аясында "Дәстүрлі қолөнерді қолдайық" тақырыбымен қолөнер шеберлерінің көрме-жәрмеңкесі өтуде. Көрме-жәрмеңкеде Түркістан облысы мен Шымкент шаһарынан 40-тан астам қолөнер шебері жүннен, қыштан, ағаштан, темірден жасалған қолөнер бұйымдары мен әртүрлі металлдан жасалған зергерлік бұйымдарын көптің назарына ұсынды. 

Шымкент қаласындағы мектептердің 6-10-шы сынып оқушылары арасында республикалық «Тұлпар мініп, ту алған!» байқауы ұйымдастырылуда. Қатысушылар 132 беттен, 5206 жолдан тұратын «Қобыланды батыр» жырының Марабай жырау нұсқасын жатқа айтып, жырдың ішіндегі көнерген, тарихи сөздердің мағынасын ашып, қазақ тілі мен әдебиеті оқулығы бойынша әзірленген сұрақтарға жауап береді. Бұл туралы Шымкент қалалық әкімдігінің ақпараттық-коммуникация орталығында өткен баспасөз брифингінде айтылды. Жиынға қалалық ішкі саясат және дін істері басқармасының басшысы Жанар Бектаева қатысты. 

Бүгін ҚР Премьер-Министрінің орынбасары Бердібек Сапарбаев бастаған Үкімет мүшелерінен құралған жұмыс тобы Шымкентке келді. Топ құрамында Еңбек және халықты әлеуметтік қорғау министрі Біржан Нұрымбетов, Денсаулық сақтау министрі Елжан Біртанов, Білім және ғылым министрі Асхат Аймағамбетов, Мәдениет және спорт вице-министрі Үркен Бисақаев, Ақпарат және қоғамдық даму вице-министрі Данияр Есин бар. 

Шымкент қаласының денсаулық сақтау басқармасы мен қалалық салауатты өмір салтын қалыптастыру орталығының мамандары өзін-өзі жұмыспен қамтып жүрген азаматтарға медициналық сақтандыру жүйесін түсінірді. 

Шымкент қаласында КСРО спорт шебері Владимир Почиваловты еске алуға арналған стенд және оқ атудан халықаралық турнир басталды. Осымен 28-ші рет өтіп жатқан жарыстың аясында сонымен қатар ҚР чемпионатының финалдық ойындары да өтуде. 

Шымкент шаһарындағы Shymkent жоғары педагогикалық колледжінде «Шетелдік тәжірибенің берері мол» деген тақырыпта арнайы семинар өтті. Жиында Малайзия, Түркия елдеріндегі жоғарғы оқу орындарын тәмамдап, сонда жұмыс істеп жүрген қазақ жастары өз ойларымен бөлісті. Басқосуда өзге елдердің білім саласындағы жетістіктері айтылып, мүмкіндіктері түсіндірілді.