Сайрам Ауданында картоп егістігінің көлемі артып отыр. 2018 жылы ауданның ауылшаруашылығы саласында 63,5 млрд.теңгенің өнімі өндірілді. Облыстағы үлес 11,7 пайызды құрап, 1-ші орынға тұрақтады.

Жалпы, Сайрам ауданы қай кезде болса да ауыл шаруашылығы өнімдерін өндіруден облыс бойынша көшбасшылардың бірі болатын. Соңғы жылдары ел үкіметінің ерекше қолдауының арқасында өнімділік көлемі еселеп арта түскен. Мәселен, өткен жылы ауданда 52 288 га жерге ауылшаруашылығы дақылдары егілді. Нәтижесінде 34 200 тонна бидай, 8 056 тн.майлы дақылдар, 123 946 тонна көкөніс, 60 200 тонна картоп, 18 100 тонна жеміс-жидек, 13 680 тонна жүзім және басқа да дақылдар жиналып алынды. Биыл 3500 га картоп егілмек.

Ал, Қарабұлақ ауылындағы «Лола» шаруа қожалығыныңегістік көлемі 12 га. Оның 3 га картоп егілген. Гектарынан 18-20 тонна өнім алынуда. Ерте піскен картоп Нұр-Сұлтан қаласына жөнелтілуде. Осылайша, Сайрам ауданы өзінің ауыл шаруашылығы саласы бойынша ерекше қарқынмен дамып отырғанын, облыста көшбасшы аудандардың қатарында екенін дәлелдей түсуде.

«AQ-QARA-KZ» - ақпарат»

Бүгін Арыстағы төтенше жағдайдың салдарын жою, тұрғындарға қолайлы жағдай жасау бағытында атқарылып жатқан жұмыстар жөнінде брифинг өтті. Жиында Арыс қаласының әкімі Мұрат Қадырбек, ҚР Қорғаныс министрлігінің өкілі Ермиян Биятов және облыстық денсаулық сақтау басқармасының басшысы Мұқан Егізбаев соңғы мәліметтерді жариялады. 

Бүгін Түркістан облысында күннің ыстығы 40 градустан асты. Осыған қарамай Арыс қаласында 17 секторға бөлінген аумақтарда қызу жұмыс жүріп жатыр. Облыс әкімінің тапсырмасымен штабтың жұмысына кіріскен өңір басшысының кеңесшісі Ұласбек Сәдібеков бүгін секторларды аралап, азаматтармен ақылдасты. Алдағы жұмыстарды жүйеледі. 

Төтенше жағдайды бастан өткерген Арыс жұртшылығы өз үйлеріне оралып, тіршілік қыза түсті. Арыстағы барлық банк бөлімшелері қайта ашылып, жұмысын бастап кетті. 

Елімізде 2014-жылы бастау алған 23-маусым мемлекеттік қызметкерлердің төл мерекесі күнін Жетісайлықтар жылдағы дәстүр бойынша мемлекеттік қызметкерлер арасындағы спартакиадамен бастады.

Биыл Жетісай ауданында «Дарын» мектебін қоса есептегенде 2689 оқушы мектеп бітірді. Оның 1709-ы Ұлттық бірыңғай тестке қатысуға өтініш білдірген. Солардың ішінде 1626 түлек қазақша, 82 оқушы орысша, тәжік тілінде мектеп бітірген 1 шәкірт қазақ тілінде тест тапсыратын болады. 1709 оқышының ішінен ауылдық мектепте оқитын 1294 түлек ҰБТ өтетін күндері тестілеу өтетін орындарға тасымалданып, оларға тегін тамақ берілетін болады. Бүгін осы және өзге де дайындық жұмыстары туралы аудан әкімі Жамантай Бейсенбаевтың қатысуымен өткен жиында әңгімеге арқау болды.

Қазақстан Республикасы мен Өзбекстан Республикасы арасындағы екіжақты ынтымақтастық жөніндегі бірлескен үкіметаралық комиссиясының 18-ші отырысында, Түркістан облысының әкімі Өмірзақ Шөкеев Өзбекстан Республикасының Премьер-Министрі А.Ариповпен, Өзбекстан Республикасы Су ресурстары жөніндегі министрі Ш.Хамряевпен және «Узбекистан Темір жолдары» АҚ Басқарма Төрағасы Х.Хасиловпен кездесті.

Мемлекет басшысы Қасым-Жомарт Тоқаев ұлықтау рәсімінде сайлауалды бағдарламасын жүзеге асыруға негізделген 10 бағытты атап өтті. Бұл бағыттардың бәрі Қазақстанды дамытып, елдің тұрмыстық-әлеуметтік жағдайымен қатар рухани деңгейінің көтерілуіне де серпін бермек. Қоғамның барлық саласы қамтылған Президенттің алдағы жоспарлары туралы Түркістан облысының зиялы қауым өкілдері де пікір білдірді.

Түркістан облысы бойынша 2018-2019 оқу жылында 11 сыныпты 24 513 оқушы бітірді. Қазіргі таңда 24 513 түлектің 16364-сі (66,8%) ҰБТ тапсыруға өтініш берген. 20 маусымда 9 аудан, қалада 332 мектептен 4 190 бітіруші тест тапсыруға өтініш берген. Қазірдің өзінде түркістандық түлектер жоғары балл алып үлгерген. Ең жоғары 137 балл жинаған Түлкібас ауданының оқушысы Сүйрік  Қасым болса, 135 баллды Ордабасы ауданының оқушысы Лаура Мұратбек мен Түлкібас ауданының оқушысы Аружан  Меирбек жинады. 

Түркістан облыстық Өңірлік коммуникациялық қызметінде өткен брифингте білім басқармасы басшысының міндетін атқарушы Ардақ Садықова бүгінгі күннің қорытындысымен облыстың орта балы – 69,9 балды құрағанын жеткізді. «Тестілеуге кіргізу кезінде ҰБТ қағида талаптарының бұзылуы орын алмады. Барлық мектеп бітірушілер арнайы рамалы металіздегіштер арқылы өткізіліп, ұялы телефондары алынды. Облыста 15 ҰБТ өткізу пункті бар. 16 онлайн трансляцияға үлкен экрандар орнатылған. ҰБТ өткізу пунктеріне түлектерді тасымалдау, жатын орындарын дайындау және тамақтандыру басқарма тарапынан қамтамасыз етіліп отыр. Қазіргі таңда 100 балдан жоғары жинағандар – 766 (20,9%) оқушы.  Бүгін 21 маусымда 4 ауданда өткізілуде. Оған 1914 бала қатысып жатыр», – деді Ардақ Мәдіханқызы.

Сондай-ақ, брифинг спикері өңірдегі мұғалімдерді аттестациядан өткізу жұмыстарын баяндады. «Түркістан облысы көлемінде 2019 жылғы жазғы мезгілде 13004 мұғалім тестілеуден оң қорытынды алып, аттестаттаудың екінші кезеңіне келді. Сондай-ақ, сыбайлас жемқорлықтың алдын алу мақсатында педагогтарды аттесттауының екінші кезеңін автоматтандыру бойынша пилоттық жоба басталды. Пилоттық жобаны іске асыру мақсатында jumys.sitcen.kz порталында арнайы аттестация бөлігі ашылды», – деді ол. Порталмен жұмыс жүргізу ережесі облыс педагог қызметкерлеріне таныстырылуда. Бұл жұмыстардың қорытынды нәтижесі жоғары болады деп күтілуде.

«AQ-QARA-KZ» - ақпарат»

Мақтаарал ауданы әкімдігі мен «Азаматтарға арналған үкімет» МК КЕ АҚ-ның «Халықа қызмет көрсету орталығының» Мақтаарал аудандық бөлімінің бірлескен іс-шаралар жоспарына сәйкес, әкімдік қызметкерлері мен ХҚКО мамандары кешегі сәрсенбіде Мырзакент кентіндегі «Мәдениет үйінде», 27 маусым күні Атакент кентіндегі Атакент кенті әкімі аппаратының ғимаратында, 28 маусым күні орталық базар аумағында халық жиналатын орындарында мемлекеттік көрсетілетін қызметтердің жәрмеңкесі өткізілді. Іс-шара барысында қызметтерді электронды үкіметтің «Egov.kz» порталы арқылы және «EgovKzBotTelegram» арқылы алу жолдары насихатталды.