Түркістан облыстық қоғамдық даму басқармасының ұйымдастыруымен облыс көлемінде «Түркістанның рухани керуені» тақырыбы аясында өтіп жатқан кездесу жиыны Отырар ауданында жалғасты. Осыған орай бүгін боксшы, Қазақстанның еңбек сіңірген спорт шебері, аса ауыр салмақта Олимпиада ойындарының және әуесқой бокстан әлем чемпионатының күміс жүлдегері, Азия біріншіліктерінің чемпионы, «Парасат» орденінің иегері Мұхтархан Ділдәбеков отырарлықтармен кездесті.
Аудандық мәслихаттың хатшысы Бұлтбай Мүтәлиев бастаған бір топ депутаттар мен аудан әкімінің орынбасары Бауыржан Шомпиев «Шардара су электр стансасы» АҚ-ында болып, ондағы жаңғырту жұмыстарының барысымен танысып шықты. Кәсіпорын басшысы Бахытбек Жаңабаев Үдемелі индустриялды-инновациялық даму бағдарламасы және республикалық индустрияландыру картасы аясында атқарылып жатқан жұмыстарды көрсетіп шықты.
Түркістан облысының Кәсіпкерлер палатасында антитеррористік қауіпсіздік шаралары бойынша семинар-жиналыс өтті. Кәсіпкерлерге антитеррористік қауіпсіздік жүйесін сақтау талаптары мен сақтамаған жағдайдағы жауапкершіліктер жайында айтылды.
Түркістан облыстық жедел жәрдем қызметінің басшылығы бұқаралық ақпарат құралдарының қатысуымен баспасөз брифингін өткізді. Биыл сәуір айының 1-нен бастап өңірдегі бекеттер мен бөлімшелер Түркістан облыстық жедел медициналық жәрдем станциясына орталықтандарылған болатын.
Отырар ауданында Тәуелсіздіктің 25 жылдығына орай берілген көпқабатты тұрғын үйлердің қабырғасы үш жылдың ішінде сөгіліп жатыр. Отырар ауданында «Қолжетімді баспана-2020» бағдарламасы аясында пайдалануға берілген пәтердің қабырғалары өздігінен қирап жатқандығын пәтер иелері айтып өз наразылықтарын білдіруде.
Түркістанда облыстық «Жайдарман» сайысының финалдық кезеңі өтті. Жастардың бойындағы мәдениеттілікті, рухани-адамгершілікке, өнерге, білімге деген шығармашылық ізденістерін дамытуды көздейтін шараға облыстық қоғамдық даму басқармасы қолдау білдіріп және «Жастар ресурстық орталығы» КММ ұйытқы болды. Ондағы мақсат – ел келешегі саналған жастардың танымдық қызығушылығын, сахна мәдениетін, өзін-өзі тану қабілетін қалыптастыру және талантты жастарға қолдау көрсету.
Жерлесіміз Тілектес Әділ Бақытжанұлы 1998 жылы Түлкібас ауданының Т.Рысқұлов ауылында дүниеге келген. Жастайынан спортты жанындай жақсы көретін Әділ еркін күрес, грек-рим спортымен шұғылданып келеді.
Қазығұрт аудандық Қ.Өмірәлиев атындағы орталық кітапхананың ұйымдастыруымен №11 колледждің акт залында «Болашаққа бағдар: Рухани жаңғыру» бағдарламасы «Туған жер – туған ел» базалық бағыты бойынша «Келбет» жобасы аясында «Түркістан облысы және Қазығұрт ауданының Құрметті азаматы», «Құрмет» орденінің иегері, зейнеткер атамыз Ильясов Молдабай Лесұлымен «Елдің ағасы халықтың құрметтісі» атты кездесу кеші болып өтті.
Арыс қаласында халықаралық талаптарға сай жабдықталған жаңа спорт кешені ашылды. Орталықта бір мезетте 100-ге жуық спортшының жаттығу жасауына толық мүмкіндіктер қарастырылған. Заманауи кешенде бір спорттық ойындар өткізетін және екі күрес залы бар. Нысан "Самұрық-Қазына" ұлттық әл-ауқат қоры" акционерлік қоғамының демеушілігімен салынып, өңір тұрғындарының игілігіне берілді.
ҚР Тұңғыш Президенті, Елбасы Н.Назарбаевтың "Болашаққа бағдар: рухани жаңғыру" бағдарламасы аясында Түркістан облыстық қоғамдық даму басқармасы мен ҚМДБ Түркістан облыстық филиалының ұйымдастыруымен "Түркістанның руxани керуені" тақырыбындағы кездесу облыстың барлық аудандарында өтті.