Түлкібас ауданында «Тұңғыш Президент» саябағының алдынан демеушілер есебінен «Ана мен бала» монументі бой көтерді. Монумент ауданның тумасы, Ұлы Отан соғысының ардагері Жайлау Піралиевтің балалары мен немерелерінің қаржыландыруымен іске асқан. Мәдени нысанның ашылу салтанатына аудан әкімінің орынбасары Е.Күзембаев, аудандық ардагерлер кеңесінің төрағасы мен аналар кеңесінің төрайымы, зиялы қауым мен бұқаралық ақпарат құралдары өкілдері қатысты. 

Ташкент облысы мен Түркістан облысы қоғамдық денсаулық басқармасы арасында ынтымақтастық меморандумына қол қойылды. Түркістан облысы мен Ташкент облысы медициналық көмектің сапасы мен қолжетімділігін арттыру бағытында жұмыс істейтін болады. 

Жаңа технологияларды өндіріске енгізу және жаңа идеялармен алмасу мақсатында ЖК «Құдайбергенов» фабрикасына польшалық Томаш Викторски келді. Екі апта бойына Томаш кәсіпорын жұмысына талдау жасап, жиһаздың жаңа пішіндерін жасауға көмектесті, заманауи құрылғыларды пайдалануды үйретіп, өнімнің сапасын арттырудың жолдары мен жоралғыларын көрсетті. 

Қазақстан Халқы Ассамблеясы Түркістан облыстық филиалының мүшелері Шардара ауданына жасаған іс-сапары барысында «Шардара» колледжінде болып, жастармен жүздесті.

Кеншілер қаласы Кентау тек өндірісті аймақ қана емес, руханият мекені де. Қаратау тәжі атанған бұл қаладан қазақтың маңдайына біткен талай-талай танымал тұлғалар шыққаны белгілі. Ол үрдіс бүгінде сақталып келеді. Оған қаладағы рухани орталықтар мен кітапханалардың да әсер еткені анық. Өйткені, мұнда ғибарат алар мекендер жетерлік және ең ерекше кітапхана да осында орналасқан. 

Облыстық мемлекеттік сатып алу басқармасы мамандардың біліктілігін арттыру мақсатында семинар-тренинг өткізді. Онда мемлекеттік сатып алу мәселелері бойынша ҚР заңнамалық актілеріне енгізілген өзгерістер мен толықтырулар айтылды. Сондай-ақ мемлекеттік сатып алуды өткізу кезінде тапсырыс берушілер жиі жол беретін заң бұзушылықтар атап өтілді. Қызметкерлер арасында туындайтын сұрақтар талқыланды. 

Түлкібастық көпбалалы аналар мемлекет қолдауына иек артып, мал асырап жан бағуда. Әсіресе, өз арбасын өзі сүйрейтін еңбек адамдары үшін бұл - жақсы мүмкіндік. Еңбек және халықты әлеуметтік қорғау министрлігінің дерегінше, 4 балалы аналар жыл соңына дейін миллион теңгеден астам қаржы алады. Бұл бағытта қазір жан-жақты жұмыс жүріп жатыр.

Бизнес биігінен көрінген нәзікжандылар қатары күн санап артып келеді. Әсіресе ауылды аймақтарда іскер әйелдердің қарасы қалың. Себебі, мемлекеттен қолдау мол. Бір ғана Мақтарал ауданының өзінен жыл басынан бері 680 азамат кәсіптік сауатын ашқан. Бүгінде мелекеттік бағдарлама аясында 235 жоба қаржыландырылған.

Арыс қаласындағы апаттан зардап шеккен үйлердің құрылысы әлі де жалғасып жатқаны белгілі. Сүріліп қайта салынған кезекті баспананы ақтөбеліктер Кенжебековтар отбасына табыстады. 16 миллион теңгеге тұрғызылған үйге қоныстанғандардың қуанышында шек жоқ.

«Nur Otan» партиясының бастамасымен қолға алынған «Менің туым – менің Отаным!» акциясына бәйдібектіктер де қолдау білдірді. Аудандық ішкі саясат және «Жастар ресурстық орталығының ұйымдастыруымен өткен шарада ұлттық болмысымыз бен рухымызды асқақтатты.