Шардара ауданының әкімі Қайрат Жолдыбай мүмкіндігі шектеулі отбасыға тарту жасады. Шардара қаласында тұратын Амангелді Жұматаев пен оның жұбайы Гүлзада Қанағаталиева бала күнінен мүгедектіктің қамытын киіп, мүмкіндігі шектелген жандар.
Түркістан облысы Келес ауданы әкімдігіне қарасты Бірлесу ауылдық округі әкімінің аппараты жаңа ғимаратқа көшуде. «Open Space» – ашық кеңістік үлгісіндегі жаңа қабылдау бөлмелері бірінші қабатта орналасқан әрі қабырғасы әйнектен жасалған.
Жетісай аудандық «Нұғман» орталық мешітінде дін қызметкерлерінің семинар-кеңесі болып өтті. Семинар-кеңеске арқау болған тақырып – қоғамдағы діни тұрақтылықты сақтау, діни экстремиз мен терроризмнің алдын алу мәселелері болды. Аталмыш жиынға ҚазҰУ аға оқытушысы, Phd докторы Құдайберді Бағашаров пен М.Әуезов атындағы ОҚМУ доценті Ермек Бекбосынов, Жетісай ауданы мешіттерінің имам-молдалары қатысты.
Түркістан облысы ауыл шаруашылығы саласына тартылған инвестиция көлемі жағынан республика бойынша көш бастап тұр. Бұл туралы Түркістан облысы әкімдігінде өткен аппараттық мәжілісте айтылды.
Мемлекет басшысы Қасым-Жомарт Кемелұлы Тоқаевтың ағымдағы жылғы 2 қыркүйектегі «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына арнаған Жолдауында «Халық үніне құлақ асатын мемлекет» тұжырымдамасына ерекше назар аударды. Ондағы басты мақсат халықпен тікелей қатынас орнату болып табылады.
«Хан-Назар» ІІ Республикалық балалар фестивалінде шардаралық бүлдіршіндер жеңімпаз атанды. Шардара қаласы «Абай» мәдениет үйінде «Балақай» балалар қорының ұйымдастыруымен өткен «Хан-Назар» ІІ Республикалық өнер сайысына 4-17 жас аралығындағы балабақшалар мен мектептер, мектептен тыс мекемелерден 100-ден астам жас өнерпаздар қатысты.
«Nur Otan» партиясы Түркістан облысы филиалының «Open Space» форматындағы қоғамдық қабылдау бөлмесінде Түркістан облысының прокуроры Әбдіров Нұрғалым Мәжитұлы бір топ азаматты қабылдады. Облыстың бірнеше аймақтарынан келген 11 тұрғын партия ұсынған мүмкіндікті пайдалана отырып, өздерін мазалаған мәселелер бойынша талап-тілектері мен арыз-шағымдарын айтты.
Түркістан облысының ПД-ның полицейлері терроризмге осал нысандарды тексеруді жалғастыруда. Қазақстан Республикасының Үкіметі бекіткен қаулыға сәйкес террористік тұрғыдан осал объектілерге: аса маңызды мемлекеттік объектілер, стратегиялық, қауіпті өндірістік объектілер және денсаулық сақтау мен білім беру мекемелері, спорт мекемелері, теміржол вокзалдары, қоғамдық тамақтану объектілері, қонақ үйлер, демалыс аймақтары және тағы да басқалар жатады.
Түркістан облысы, Отырар ауданында табиғатты қорғау полицейлері түнгі уақытта заңсыз аң аулаған азаматтарды ұстады. Бұл заңсыздық Отырар АПБ-нің қызметкерлерінің «Браконьер» жедел-профилактикалық іс-шарасын жүргізу барысында анықталған.
Түркістан облысы бойынша ағымдағы жылдың 9 айында экология департаментіне жеке және заңды тұлғалардан 81 өтініш келіп түскен. Оның ішінде 60 – жеке тұлғалардан, 21 - заңды тұлғалардан. Қазіргі таңда 7 өтініш қарауда. Жалпы 74 өтінішке жауап жолданған. Бұл туралы Түркістан облысы Өңірлік коммуникациялар қызметінде өткен брифингте Экология департаментінің басшысы Имангелді Түймебаев мәлімдеді.