Қазығұрт ауданының ауыл шаруашылығы еңбекерелері ағымдағы жылды зор табыстармен қорытындылады. Аудан «Агроөнеркәсіп кешені» даму бағдарламасы бойынша облыста үшінші орынды иеленсе, ал астық өндіруден бірінші орынға шығып отыр. Толағай табыстарға жеткен диқандар мен шаруалар аудан орталығында жәрмеңке өткізіп, «Алтын күз» мерекесін тойлады.
ҚР Президенті жанындағы Мемлекеттік басқару академиясының ректоры Ерлан Қуанышұлы жұмыс сапарымен Академияның Түркiстан облыстық филиалына арнайы келiп, басшы лауазымына алғаш тағайындалған мемлекеттік қызметшілердiң өңірлік жобаларымен танысты.
Қазақ күресінен Төле би баба құрметіне арналған жасөспірімдер арасында республикалық турнир аяқталды. Ұлттық спортымыз ұлықталған жарысқа еліміз бойынша жүзге жуық балуан қатысып, бақ сынасты. Айта кетейік, бұл турнир осымен үшінші рет ұйымдастырылып отыр.
Шардара ауданының құрылғанына 55 жыл толуына арналған бокстан 2004-2005 жылы туған және 2006-2007 жылы туған жасөспірім қыздар арасында “ШАРДАРА КУБОГЫ-2019” халықаралық турнирінің ашылу салтанаты өтті. Ашылу салтанаты барысында сөз алған Шомпиев Бауыржан Қуанышбайұлы өңірден шыққан Әлем чемпиондарының саны 56-ға жеткенін мақтанышпен жеткізіп, бүгінгі күні сайысқа түскелі тұрған боксшы қыздарға сәттілік тілеп, жарысты ашық деп жариялады.
Қазақстан Парламенті Мәжілісінің экс-депутаты Оразкүл Асанғазиева мақтааралдық жастармен жүздесті. Атакент кентінде орналасқан Мақтаарал аграрлық колледжінде өткен келелі кездесуге Мақтаарал ауданының әкімі Бақыт Асанов, колледждің ұстаздары мен студенттері қатысты.
Түркістан облыстық қоғамдық даму басқармасының ұйымдастыруымен "Turkistan media talks: БАҚ және трансформация" тақырыбында семинар-тимбилдинг өтті. Шара өңір журналистерінің біліктілігін көтеріп, мемлекеттік мекеме қызметкерлерінің халықпен және БАҚ өкілдерімен кері байланысын нығайтуды мақсат етті. Табиғат аясында өткен тимбилдингке облыстың аудан, қалаларының ішкі саясат бөлімі басшылары, жастар ресурстық орталығының директорлары, үкіметтік емес ұйым мүшелері, белсенді жастар және БАҚ өкілдері қатысты.
Түркістан өңірінің барлық аумағында “Халық заңгері” науқаны өтті. Тұрғындарға тегін заң көмегі көрсетілген шара Қазақстанның барлық қаласында бір уақытта, бір күнде өткізілді. ҚР Сыбайлас жемқорлыққа қарсы іс-қимыл агенттігі, Параграф ақпараттық жүйесі және zakon.kz интернет-басылымы мұрындық болған шараны Қазақстанның үздік заңгерлері мен адвокаттары қолдады. Мұндағы басты мақсат – құқықтық мәселелер бойынша тегін заң көмегін көрсету.
Қазығұрт ауданының әкімдігі және ішкі саясат бөлімінің ұйымдастыруымен ауданның ардагер ақсақалдары мен ақ жаулықты әжелерін тарихи орындарға саяхатқа алып барды.
Түркістан облысы аумағындағы облыстық маңызы бар автомобиль жолдарының бойында 412 көпір орналасқан. Қазіргі таңда көпірлердің техникалық жағдайына қарай жөндеуді қажет ететін көпірлерге сметалық құжаттамалар әзірленіп, жөндеу жұмыстары жүргізілуде.
Төлеби ауданында «Алтын Күз-2019» ауылшаруашылығы еңбеккерлерінің мерекесі өтті. Аудандағы 12 ауылдық округтердің шаруа қожалықтары аудан орталығына жиналып, өнімдерін жәрмеңкеге қойды.