ҚР ауыл шаруашылығы министрі Сапархан Кесікбайұлы облыс әкімі Өмірзақ Естайұлымен бірге Мақтаарал ауданына барды. Ең алдымен олар Мақтаарал ауылдық округі, «Ақ алтын» елді мекеніндегі «АШМ сервис-орталығы» өндірістік кооперативінің мақта терімі науқанымен танысты. Онда биылғы жылы 70 га жерге М-4011 мақта сорттық тұқымын егіп, 25,0 ц/га түсімділікпен өнім алуда. Бүгінгі таңда 43 адамды жұмыспен қамтып отырған  өндірістік кооперативі 58 бірлік ауыл шаруашылығы техникаларымен жабдықталған.

Браконьерлікпен күресті күшейту қажеттігі жөнінде Қазақстан Республикасының Президенті Қ.Тоқаевтың, сондай-ақ биыл қараша айында облыс прокуроры Н.Әбдіровтың төрағалығымен Шардара қаласында өткен аудан әкімдігінің активінде болған жиында жекелеген билік органдарына нақты тапсырмалар берілген. Осыған орай, аудан прокуроры Р.Абдраимовтың төрағалығымен аудандағы 5 балық өңдеу зауытының өкілдері, соларға қарасты су қорықшылары, полиция бөлімі, аудандық орман шаруашылығы және жануарлар дүниесі аумақтық инспекция, аудандық ветеринария бөлімі және аудандық ветеринариялық бақылау және қадағалау инспекциясы, аудандық кәсіпкерлік және ветеринария бөлімі басшылары мен өкілдерінің қатысуында «Шардара су қоймасындағы балық ресурстарын аулау мәселесіне қатысты ашық есік» "дөңгелек үстел" өткізілді. 

Аудандық мәжіліс залында аудандық кәмелетке толмағандардың ісі және олардың құқықтарын қорғау жөніндегі комиссиясының мәжілісінің кезекті жиыны өтті. Жиынға Келес ауданы әкімінің орынбасары, комиссия төрағасы Алмас Сексенбаев, аудандық кәмелетке толмағандар істері және олардың құқықтарын қорғау жөніндегі комиссия мүшелері, ауыл және ауылдық округі әкімдері, мектеп директорлары мен тиісті мекеме басшылары қатысты. 

Аудандық «Абай» мәдениет сарайында ауданның 55 жылдық мерей тойына арналған «Шырқалсын Шардараның әндері» атты облыстық ән байқауы өтті. Өнер байқауында негізінен Шардара туралы әндер мен әйгілі сазгер, «Қара бауыр қасқалдақ» әнімен әлемге танымал Лесбек Амановтың әндері орындалды. 

Бүгін Дербісек ауылдық округінде заман талабына сай «Көк төбе» бастапқы медициналық санитарлық көмек көрсету орталығы ашылды. Нысанның ашылу салтанатына арнайы келген облыстық қоғамдық денсаулық басқармасының басшысы М.Егізбаев жаңа нысанның лентасын қиып, ақ халатты абзал жандардың алдағы жұмыстарына сәттілік тіледі. 

Ел тұрғындарының өмірі мен сапалы тұрмысын жақсартуда, экономикасы дамыған, әлеуеті жоғары мемлекет қалыптастыруда Президент Жолдауында қойылған басымдықтардың маңызы өте зор.Осы орайда бүгін Қазақстан Республикасының Президенті Қасым-Жомарт Тоқаевтың Қазақстан халқына арнаған алғашқы «Сындарлы қоғамдық диалог – Қазақстанның тұрақтылығы мен өркендеуінің негізі» атты жолдауын түсіндіру және талқылау мақсатында қала әкімінің орынбасары Сапар Дәрібайұлының төрағалығымен жиын өтті. 

Бүгін Келес ауданы әкімі аппаратының мәжіліс залында аудан әкімі Ақментай Есбаевтың төрағалығымен аппараттық жиын өтті. Аппараттық жиынға аудан әкімінің орынбасарлары Серік Қарақұлов, Абай Жаңбырбаев, Алмас Сексенбаев, аппарат басшысы Талғат Оразбеков, дербес бөлім басшылары мен мамандары, ауыл, ауылдық округтер әкімдері және аудандық мекеме басшылары қатысты. 

Бүгін Сайрам ауданының орталығы Ақсукент ауыл округіндегі №97 Сұраншы Батыр атындағы жалпы орта мектептің жоғарғы сынып оқушыларына «Кереғар діни ағымдар бірлікке емес, бүлікке шақырады» тақырыбында кездесу болып өтті. Оған Түркістан облысы қоғамдық даму басқармасының «Дін мәселелерін зерттеу орталығы» КММ-ның Сайрам ауданындағы дінтанушы-теолог маманы Ж.Битанов қатысты. 

Елбасы Н.Ә.Назарбаевтың "Ұлы даланың жеті қыры" атты мақаласы және "Жастар жылы" аясында Отырар ауданы «Жастар ресурстық орталығы» КММ-нің ұйымдастыруымен, Отырар аудандық ат спорты федерациясының және спорт бөлімдерінің қолдауымен жастар арасында командалық көкпардан «Отырар ауданы әкімінің жүлдесі» үшін облыстық ашық турнир өтті. 

Бүгін Жетісай ауданы әкімдігінің брифинг залында Жаңаауыл ауылдық округінің әкімі Нұрлыбек Бахтияров 10 айда атқарған жұмыстарының есебін берді.